यूहन्ना 9:7 - बिलासपुरी नौआं नियम

⁷ तिसजो गलाया, “जा शीलोह रे कुण्डा च धोई ले” (शीलोह रा मतलब भेज्जिरा) इस खातर तिने जाईने धोया, कने देखदा हुआ बापस आईग्या।

यूहन्ना 9:7 ပူးပေါင်းရင်းမြစ်များ

मत्ती 11:5

भई अन्हे देक्खां ये कने लंगड़े चला फिराँ ये, कोढ़ी ठीक कित्ते जांये कने टौणे सुणां ये, मुड़दे जिऊंदा कित्ते जायें, कने दीन दुखियां जो यीशु मसीह रिया खुशखबरिया रा प्रचार कित्या जां।

लूका 13:4

तुहें तिन्हां ठारा माहणुआं रे बारे च क्या सोचां ये, तिन्हां पर जे शीलोह लाके च पथराँ री बणीरी सबनीं ते ऊच्ची दवाल रुढ़ि कने सै तिसा हेठ दबोईने मरीग्ये; तां क्या सै यरूशलेम च रैहणे औल़यां चा ते जादा पापी थे?

लूका 2:32

भई सै अन्यजातियां रे लोकां पर परमेशरा रिया सच्चाईया जो परगट करने औल़ी ज्योति आ, कने तेरे अपणयां लोकां इस्राएल रे खातर तिस आदर लेईने औणा!”

यूहन्ना 10:36

तां तिस्सो जे पिता पवित्र करीने संसारा च भेज्या, तुहें तिस्सो बोलां ये, ‘तू निंध्या करीराँ,’ इस खातर मैं गलाया, हऊँ परमेशरा रा पुत्र आ?

यूहन्ना 11:37

पर तिन्हां चते कईयें बोल्या, “क्या ये सै माहणु आ तिने जे अन्हेयां रियां आक्खीं ठीक कित्तियां थी, क्या ये लाजरा जो बी मरने ते नीं बचाई सकदा?”

यूहन्ना 9:11

तिने जबाब दित्या, “यीशु नौआं रे इक माहणुये गिल्ली मिट्टी मेरियां आक्खीं पर मल़ीने मिन्जो गलाया, जा कने शीलोह च जाईने अपणा मुँह धोईने औ इस खातर तां जे हऊँ जाईने धोई आया, तां मिन्जो दिखणे लगीप्या।”

यूहन्ना 9:39

फेरी यीशुये गलाया, “हऊँ इस संसारा च इस न्याय जो करने आईरा, ताकि सै जे नीं देखदे सै देखणे लगो कने सै जे देक्खां ये सै अन्हे हुई जाओ।”

प्रेरितां 26:18

भई तू तिन्हांजो इसा गल्ला रा एहसास करवाई दो भई सच्च क्या? कने झूट्ठा पर विश्वास करने रे बजाय परमेशरा रिया सच्चाईया पर विश्वास करा; ये सब इस खातर ताकि सै पापां री माफी कने मांह पर विश्वास करने ते पवित्र कित्तिरे लोकां सौगी बिरासत पाई सक्को।’

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।