यूहन्ना 9:31 - बिलासपुरी नौआं नियम

³¹ अहें सारे जाणाँ ये भई परमेशर पापियां री नीं सुणदा, पर जे कोई परमेशरा रा भगत ओ कने तिसरी इच्छा पूरी करां, तां परमेशर तिसरी सुणां।

यूहन्ना 9:31 ပူးပေါင်းရင်းမြစ်များ

यूहन्ना 11:22

पर हऊँ जाणा ईं भई हुण बी तू परमेशरा ते जो किछ मंगगा, परमेशरा तिज्जो दई देणा।”

यूहन्ना 15:16

तुहें मिन्जो नीं चुणया, पर मैं तुहांजो अपणे खातर चुणीरा; कने नियुक्त कित्तिरा भई तुहें जाओ कने कामयाब हुईने औआ, हऊँ चांह भई तुहांरी कमयाबी बणीरी रौ, काँह्भई ताहलूं जे तुहें पिता ते मेरे चेले हुणे रे नाते जो किछ मंग्गो, तां सै तुहांजो मिली जाओ।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

यूहन्ना 9:30

तिने तिन्हाजो जबाब दित्या, “येत हैरानिया री गल्ल इ भई तुहें नीं जाणदे भई ये किति रा, पर तिने मेरी आक्खीं ठीक कित्तियां।

यूहन्ना 9:32

संसारा रिया शुरुआता ते ये कदीं सुणने च नीं आया भई किन्हिये किसी जन्मा रे अन्हे माहणुये रिया आक्खीं च जोत पाई ओ।

इब्रानियों 10:7

तां फेरी मसीह ने बोल्या, हे परमेशर, तेरी इच्छा पूरी करने जो हऊँ येत्थी आ, “तियां जे ये पवित्रशास्त्रा च मेरे बारे च लिखिरा।”