यूहन्ना 9:29 - बिलासपुरी नौआं नियम

²⁹ अहें जाणाँ ये भई परमेशरे मूसे ने गल्ल बात किति; पर इस माहणुये जो नीं जाणदे भई ये कितिते औआं।”

यूहन्ना 9:29 ပူးပေါင်းရင်းမြစ်များ

मत्ती 12:24

ताहली जे फरीसियें ये सुणया तां तिन्हें गलाया, “ये शैतान्ना रा सेवक होणे रिया वजह ने बुरीआत्मा जो बाहर कड्डां।”

मत्ती 26:61

कने गलाया, “इने गलाया था भई हऊँ परमेशरा रे मन्दरा जो ढाई सक्कां, कने तिज्जे दिन भीं बणाई सक्कां।”

लूका 23:2

सै यीशुये पर इल्जाम लगाणे लगे, “ये माहणु अहांरे लोकां जो बहकाणे लगीरा, ये तिन्हारे राजे कैसरा जो कर देणे ते मना कराँ! कने ये येढ़ा दावा कराँ भई हऊँ मसीह आ, कने अप्पूँजो इक राजा बोलदे हुये सुणया।”

यूहन्ना 1:17

अहांजो व्यवस्था देणे औल़ा मूसा था, पर अनुग्रह कने सच्चाई परमेशरे अहांजो यीशु मसीह रे जरिये दस्से।

यूहन्ना 7:27

खैर अहें त इसजो जाणाँ ये भई ये माहणु किति ते आईरा; पर ताहली जे सच्चे मसीह औंणा, तां किसी जो बी पता नीं चलना भई सै कितिते आया।”

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

यूहन्ना 8:14

यीशुये तिन्हांजो जबाब दित्या, भई “जे हऊँ अपणी गवाही अप्पूँ देआं, तां बी मेरी गवाही ठीक इ, काँह्भई हऊँ जाणाँ भई हऊँ किति ते आईरा कने किति जो जां? पर तुहें लोक ये नीं जाणदे भई हऊँ किति ते आईरा कने किति जो जां।

यूहन्ना 9:16

इस पर किछ फरीसी बोलणे लगे, “ये माहणु परमेशरा रिया तरफा ते निआं काँह्भई सै विस्राम रे दिना रा पालन नीं करदा।” होरीं गलाया, “कोई पापी माहणु भला येढ़े चमत्कारा रे काम्म कियां करी सक्कां?” इसा गल्ला पर सै अप्पूँ बाटियें लड़ने लगे।

यूहन्ना 9:24

फेरी यहूदी अगबेयां तिस माहणुये जो दुज्जी बार भीं ते सद्दया सै जे अन्हा था, कने गलाया, “सच्च बोल, तू जे ठीक हुया तां तू परमेशरा री स्तुति कर। अहें त जाणाँ ये भई सै माहणु पापी आ।”

यूहन्ना 9:30

तिने तिन्हाजो जबाब दित्या, “येत हैरानिया री गल्ल इ भई तुहें नीं जाणदे भई ये किति रा, पर तिने मेरी आक्खीं ठीक कित्तियां।

प्रेरितां 22:22

लोक इसा गल्ला तका तिसरी सुणदे रये तां बड्डिया अवाज़ा च रड़ाये, “येढ़े माहणुये जो खत्म करो इसरा ज्यूंदा रैहणा ठीक निआं।”

प्रेरितां 26:22

“पर परमेशरा री सहायता ते हऊँ अज्जा तका बचीरा कने छोट्टे बड्डे सब्बीं रे सामणे गवाही देआं, तिन्हां गल्लां जो छड्डिने किछ नीं बोलदा सै जे भविष्यवक्तयां कने मूसे बी गलाईयां भई हुणे औल़ियां इ,

प्रेरितां 7:35

“तिस मूसा जो जे तिने येढ़ा बोलीने नां करी ती थी, ‘तिज्जो किने अहां पर हाकम कने न्यायी बणाईरा?’ तिस्सो इ परमेशरे राजपाल कने छुड़ाणे औल़ा बणाईने, तिस स्वर्गदूता रे जरिये तिने जे झाड़िया च दर्शण दित्या था, भेज्या।

इब्रानियों 1:1

बौहत पैहले परमेशरे अहांरे पूर्वजां ने कई बार लग-लग तरीकयां ने भविष्यवक्तयां रे जरिये गल्लां कित्तियां,

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।