यूहन्ना 9:24 - बिलासपुरी नौआं नियम

²⁴ फेरी यहूदी अगबेयां तिस माहणुये जो दुज्जी बार भीं ते सद्दया सै जे अन्हा था, कने गलाया, “सच्च बोल, तू जे ठीक हुया तां तू परमेशरा री स्तुति कर। अहें त जाणाँ ये भई सै माहणु पापी आ।”

यूहन्ना 9:24 ပူးပေါင်းရင်းမြစ်များ

मरकुस 15:27

तिन्हें तिस सौगी दो डाकू, इक तिसरे सज्जे पासे कने दुज्जी तिसरे खब्बे पासे क्रूसा पर चढ़ाये।

लूका 15:2

इसजो देखीने फरीसी कने यहूदी शास्त्री बड़बड़ाणे लगे, “ये माहणु त पापी कने घटिया लोकां सौगी उट्ठां बैट्ठां कने तिन्हां सौगी रोटी बी खां!”

लूका 19:7

पर मतयां लोकां जो तिसरी ये गल्ल खरी नीं लगी। सै बुड़बुड़ करने लगे, भई “येत इक पापी ये रे घरें मेहमान बणीने चलीरा!”

लूका 7:39

येढ़ा देखीने सै फरीसी तिने जे यीशुये जो नियून्दा देईने सद्दीरा था, अपणे मना च सोचणे लगया, “इसते त येढ़ा साबित हुआं भई ये यीशु कोई भविष्यवक्ता निआं। काँह्भई जे सच्ची जो सै परमेशरा री तरफा ते भेजीरा हुन्दा, तां येढ़ा जाणी लेन्दा भई ये केढ़ी जनाना इ सै जे इसने छोइराँ इ कने सै कितणी बड्डी पापिन इ।”

यूहन्ना 14:30

कने जादा हऊँ तुहांजो ये गल्लां नीं करी सकदा काँह्भई इस संसारा पर राज करने औणे औल़ा शैतान; माह पर तिसरा कोई अधिकार नींआ।

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 18:30

तिन्हें जबाब दित्या, “जे ये अपराधी नीं हुंदा, तां अहें इस्सो तेरे हवाले नीं करदे।”

यूहन्ना 19:6

मुखियायाजकें कने मंदरा रे पैहरेदारें तिस्सो देखदे इ रौल़ा पाया, कने बोल्या, “इस्सो क्रूसा पर चढ़ाओ! इस्सो क्रूसा पर चढ़ाओ!” पिलातुसे तिन्हांने बोल्या, इस्सो तुहें इ लईजो कने क्रूसा पर चढ़ाओ, हऊँ इसच कोई खोट नीं पान्दा।

यूहन्ना 5:23

इस खातर भई सारे लोक तियां जे पिता परमेशरा रा आदर कराँ ये तियां इ पुत्रा रा आदर बी करो। सै माहणु जे पुत्रा रा आदर नीं करदा, सै तिस पिता परमेशरा रा आदर बी नीं करदा तिने जे मिन्जो भेज्जिरा।

यूहन्ना 8:46

तुहां चते कुण माह पर पापी हुणे रा लांछन लगाई सक्कां? जे हऊँ सच्च बोल्लां, तां तुहें मेरा विश्वास काँह नीं करदे?

यूहन्ना 8:49

यीशुये जबाब दित्या, “माह पर कोई बुरीआत्मा नीं: पर हऊँ त अपणे पिता रा आदर कराँ, कने तुहें मेरी बेज्जति कराँ ये।

यूहन्ना 9:16

इस पर किछ फरीसी बोलणे लगे, “ये माहणु परमेशरा रिया तरफा ते निआं काँह्भई सै विस्राम रे दिना रा पालन नीं करदा।” होरीं गलाया, “कोई पापी माहणु भला येढ़े चमत्कारा रे काम्म कियां करी सक्कां?” इसा गल्ला पर सै अप्पूँ बाटियें लड़ने लगे।

यूहन्ना 9:25

तिने जबाब दित्या, “हऊँ नीं जाणदा भई सै पापी आ की नीं; हऊँ इक गल्ल जाणाँ भई हऊँ अन्हा था कने हुण देक्खी सक्कां।”

रोमियो 8:3

काँह्भई सै काम्म जे मूसा री व्यवस्था हमारे पापी स्वभावा रिया वजह ने कमजोर हुईने नीं करी सक्की, तिसजो परमेशरे कित्या, यनिके अपणे इ पुत्रा जो अहां पापियां साई हुणे रे खातर कने अहांरे पापा रा बलिदान हुणे रे खातर भेज्जीने, मसीह रे शरीरा रे जरिये परमेशरे पापा रिया सामर्था जो तोड़या।

2 कुरिन्थियों 5:21

परमेशरे मसीह जो अहांरे पापां रे खातर पाप बल़ि बणाया तिने जे कदीं पाप नीं कित्या, ताकि अहें तिसरे जरिये परमेशरा रे सामणे धर्मी समझे जायें।

प्रकाशितवाक्य 11:13

फेरी तिस इ वगत इक बड्डा हिलण हुआ, कने नगरा रा दसवां हिस्सा टिरीग्या; तिस हिलणा ते सात्त हज़ार माहणु मरीगे, कने बाकी बचीरे लोक डरीगे कने स्वर्गा रे परमेशरा री महिमा कित्ती।