यूहन्ना 9:22 - बिलासपुरी नौआं नियम

²² तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

यूहन्ना 9:22 ပူးပေါင်းရင်းမြစ်များ

लूका 6:22

परमेशरा तुहांजो आशीष देणी, ताहली जे माहणुये रे पुत्रा रिया वजह ने लोकां तुहांजो बैर करना, कने तिस पर विश्वास करने औल़यां जो बुरा समझीने नकाल़ी देणा, कने तुहांरी निंध्या करनी, कने तुहांरा नौं बुरा जाणीने कटी देणा।”

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 16:2

तिन्हां तुहांजो यहूदी सभा घराँ चते कडी देणा : सचमुच इ सै बगत आया रां ताहली जे तुहां चते किसी जो बी मारीने तिन्हां येई सोचणा, भई सै परमेशरा री ही इच्छा पूरी करया रायें।

यूहन्ना 19:38

इसते बाद अरिमतियाह गाँवां रे यूसुफे सै जे यीशुये रा चेला था, (पर यहूदी अगुवेयां रे डरा ते इसा गल्ला जो लुकोई रक्खां था) तिने पिलातुसा ते विनती किति, भई यीशुये रिया लाशा जो तित्थी ते नेणे रा हुक्म देओ। पिलातुसे तिस्सो इजाजत दईती, कने सै तित्थी आईने तिसरिया लाशा जो लईग्या।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 7:13

तां बी यहूदी अगुवेयां रे डरा रे मारे कोई बी माहणु तिसरे बारे च खुल्ही ने नीं बोल्ली पां था।

यूहन्ना 9:18

पर यहूदी अगुवेयां जो विश्वास नीं हुया भई सै अन्हा था कने हुण देक्खी सक्कां, ताहलुआं तक जे तिन्हे, तिसरे मौ-बुढ़यां जो सद्दीने तिन्हांते नीं पुच्छया,

यूहन्ना 9:21

पर अहें ये नीं जाणदे भई हुण ये कियां देक्खां? कने न त ये जाणाँ ये भई किने इस रियां आक्खीं च जोत पाई। इसते इ पुछी लवा; ये बड़ा सयाणा हुईगरा; अपणे बारे च ये खुद बोल्ली सक्कां।”

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

यूहन्ना 9:35

यीशुये सुणया भई तिन्हे तिस्सो धक्का देईने बाहर कड्डित्या, कने ताहली जे तिसने मुलाकात हुई तां गलाया, “क्या तू परमेशरा रे पुत्रा पर विश्वास कराँ?”

प्रेरितां 4:18

तां तिन्हांजो सदया कने खबरदार करीने गलाया, “यीशुये रे नौआं ते किछ बी देखां बोलदे कने देखां सखांदे।”

प्रेरितां 5:13

पर मसीह पर विश्वास नीं करने औल़यां चते किसी जो बी ये हिम्मत नीं हुंदी थी भई तिन्हां सौगी मिली जाओ; तां बी लोक तिन्हांरी बडयाई कराँ थे।

प्रेरितां 5:40

तां तिन्हें तिसरी गल्ल मन्नी ली; कने प्रेरितां जो सद्दीने कुटवाया; कने ये हुक्म देईने छड्डीत्या भई यीशुये रे नौआं ते फेरी कोई गल्ल देखां करदे।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”