यूहन्ना 8:6 - बिलासपुरी नौआं नियम

⁶ तिन्हे यीशुये जो परखणे रे खातर ये गल्ल बोल्ली ताकि तिन्हाजो कोई येढ़ा बहान्ना मिली जाओ तिसते जे सै तिस पर कोई दोष लगाई सक्को। पर यीशु थल्ले खौ झुकीने अपणिया गुट्ठिया ने धरतिया पर लिखणे लगया।

यूहन्ना 8:6 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 15:23

पर तिने तिसाजो कोई जबाब नीं दित्या, इस खातर तिसरे चेले तिसले आये कने विनती करने लगे, “ये अहांरे पिच्छे चिल्लान्दी हुई आई राईं इसाजो दूर भेज।”

मत्ती 16:1

फेरी फरीसी कने सदूकी यीशुये ले आये, सै तिस्सो परखणा चाँह थे इस खातर तिन्हे तिसजो कोई स्वर्गीय नशाण दसणे जो बोल्या ताकि पता लगी सक्को भई तिस्सो परमेशरे भेज्जिरा।

मत्ती 19:3

फेरी किछ फरीसी यीशुये जो परखणे रे मकसदा ते तिसले आए कने तिसने स्वाल कित्या, “क्या किसी बी वजह ते अपणिया घराऔल़िया जो छडणा ठीक आ?”

मत्ती 22:18

यीशु तिन्हारे बुरे इरादे जाणीने गलाया, “कपटियो, तुहें मिन्जो कजो परखणा चाँये?

मत्ती 22:35

तिन्हां चते इक व्यवस्थापके तिस्सो परखणे खातर तिसते पुच्छया,

मत्ती 26:63

पर यीशु चुप रैया। फेरी महायाजके तिसते पुच्छया, “हऊँ तिज्जो जिऊंदे परमेशरा री सगन्द देआं भई जे तू परमेशरा रा पुत्र मसीह आ तां अहां ने गलाईदे।”

मरकुस 10:2

तां फरीसियें तिसले आईने तिस्सो परखणे खातर तिसते पुच्छया, “क्या ये यहूदी व्यवस्था रे मुतावक ठीक आ भई पुरुष अपणी पत्नियां जो छड्डी दो?”

मरकुस 12:15

अहें कर दईये की नीं दईये?” पर यीशुये तिन्हारा कपट जाणीने, तिन्हाजो गलाया, “हऊँ जाणा भई तुहें मेरे मुँआं ते किछ गल़त निकलवाणे री कोशिश करी रायें ताकि माह पर कोई दोष लाई सक्को।” कने तिने बोल्या, “इक दिनार (इक्की दिना रिया मजदूरिया रे बराबर था) मेरे लौ ल्यावा, भई हऊँ तिस्सो देक्खुँ।”

मरकुस 3:2

तिन्हां चते किछ फरीसी यीशुये पर दोष लगाणे रे खातर कोई इक वजह टोल़ीरां थे, इस खातर सै तिस्सो ध्यान्ना ने देखणे लगे भई सै विस्राम रे दिन तिस्सो ठीक करगा कि नीं।

मरकुस 8:11

फेरी फरीसी आईने तिसने बैहस करने लगे, कने तिस्सो परखणे खातर तिसते कोई स्वर्गीय नशाण मंगया, ताकि अहें जाणी लो भई तिज्जो परमेशरे भेज्जिरा।

लूका 10:25

इक दिन ताहली जे यीशु लोकां जो सखाया राँ था, तां इक व्यवस्थापक उट्ठया; कने ये बोल्लीने तिसजो परखणे लगया, “गुरू जी, अनन्त जीवना रा बारस होणे रे खातर हऊँ क्या करूँ?”

लूका 11:16

किछ होरीं लोकें यीशुये जो परखणे खातर तिसते इक स्वर्गीय नशाण मंगया, भई इसा गल्ला जो साबित कर भई तिज्जो परमेशरे भेज्जिरा

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

1 कुरिन्थियों 10:9

कने नां अहें प्रभुये जो परखिये, तियां जे तिन्हां चते कितणेयां कित्या, कने सर्पां रे डसणे ते मरीगे।