यूहन्ना 8:58 - बिलासपुरी नौआं नियम

⁵⁸ यीशुये तिन्हाने जबाब दित्या, “हऊँ तुहांजो सच्च बोलां, भई अब्राहम रे पैदा हुणे ते पैहले, हऊँ था कने हऊँ आ।”

यूहन्ना 8:58 ပူးပေါင်းရင်းမြစ်များ

यूहन्ना 10:25

यीशुये तिन्हांजो जबाब दित्या, “मैं त तुहांजो दस्सीत्या पर तुहें विश्वास इ नीं करदे। सै काम्म जे हऊँ अपणे पिता रे नौआं ते कराँ सैई मेरा गवाह,

यूहन्ना 17:24

“हे पिता! सै लोक जे तैं मिन्जो दित्तिरे, मेरी ये इच्छा इ भई तित्थी जे हऊँ आ तित्थी सै बी रौ, काँह्भई सै मेरिया तिसा महिमा जो देक्खी सक्को सै जे तैं मिन्जो दित्ति। काँह्भई संसारा रिया सृष्टिया ते पैहले तू मिन्जो प्यार कराँ था।

यूहन्ना 17:5

हुण तू, हे पिता अपणिया उपस्थितिया च मिन्जो तिसा महिमा ते महिमामय कर, सै महिमा जे मेरी संसारा रिया सृष्टिया ते पैहले तुहां सौगी थी।

यूहन्ना 8:24

इस खातर मैं तुहांजो गलाया भई तुहां अपणयां पापां च मरना, काँह्भई जे तुहें मांह पर विश्वास नीं करगे भई हऊँ सैई आ, तां तुहां अपणयां पापां च मरी जाणा।”

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

यूहन्ना 8:34

यीशुये तिन्हाजो जबाब दित्या, “हऊँ तुहांजो सच्च बोलां भई सै जे कोई पाप करदा रैयां, सै पापां रा दास आ।

यूहन्ना 8:51

हऊँ तुहांजो सच्च बोल्लां भई जे कोई माहणु मेरियां सखाई रियां गल्लां रा पालन करगा, तिस कदीं नीं मरना।”

कुलुस्सियां 1:17

सृष्टिया री कोई बी चीज बणने ते पैहले मसीह था कने सब किछ मसीह रिया वजह ते अपणिया जगह पर टिक्कीरा रैयां।

इब्रानियों 13:8

यीशु मसीह कल कने आज्ज कने युगां-युगां तकौ इक्को जेआ इ हाया यनि सै कदीं नीं बदलदा।

प्रकाशितवाक्य 1:11

“जो किछ तू देक्खां तिसजो कताबा च लिखीने सत्तां नगराँ रियां कलीसियां ले भेजी दे, यनिके इफिसुस, स्मुरना, पिरगमुन, थुआतीरा, सरदीस, फिलदिलफिया, कने लौदीकिया जो।”

प्रकाशितवाक्य 1:8

प्रभु परमेशर बोलां, “हऊँ इ अल्फा कने ओमेगा। सर्वशक्तिमान इ हाया सै जे था, सै जे हया, कने सै जे औणे औल़ा।”

प्रकाशितवाक्य 2:8

तिने बी मिन्जो बोल्या, “स्मुरना नगरा रिया कलीसिया रे दूता जो ये सन्देश लिख: हऊँ पैहला कने आखरी आ; हऊँ मरीग्या था कने हुण जिऊंदा हुईगरा, हऊँ ये बोलां: