यूहन्ना 8:39 - बिलासपुरी नौआं नियम

³⁹ तिन्हे तिसजो जबाब दित्या, “अहांरा पूर्वज त अब्राहम आ।” यीशुये तिन्हाने गलाया, “जे तुहांरा पूर्वज अब्राहम आ, तां तुहें तिन्हां कम्मां जो करदे सै जे अब्राहमे कित्ते थे।

यूहन्ना 8:39 ပူးပေါင်းရင်းမြစ်များ

मत्ती 3:9

इसा गल़तफैहमिया च मत रौआ भई अब्राहम तुहांरा पिता; काँह्भई हऊँ तुहांजो बोलां भई इन्हां पत्थराँ ते परमेशर अब्राहमा रे खातर बच्चा पैदा करी सक्कां।

मत्ती 5:45

ताकि तिसते तुहां स्वर्गा च रैहणे औल़े अपणे पिता रे बच्चे बणना; काँह्भई सै भलयां कने बुरयां दुईं लोकां पर सूरजा री लोय बराबर कराँ, कने धर्मी कने पापी सबनीं लोकां पर सै बराबर बरखा कराँ।

यूहन्ना 8:33

इस पर तिन्हे यीशुये जो जबाब दित्या, “अहें त अब्राहमा रे बंशा ते, कने कदीं किसी रे दास नीं हुये। फेरी तू कियां बोलां भई तुहां अजाद हुई जाणा?”

यूहन्ना 8:37

हऊँ जाणाँ भई तुहें अब्राहम रे बंशा ते; फेरी बी तुहां मेरियां सखाई रियां गल्लां रा पालन नीं करना, इस खातर तुहें मिन्जो मारी देणा चांये।

यूहन्ना 8:43

तुहें समझी नीं सकदे भई हऊँ क्या बोलीराँ? येढ़ा इस खातर आ काँह्भई तुहें मेरा सन्देश सुणने जो इन्कार कराँ ये।

यूहन्ना 8:56

तुहांरे पूर्वज अब्राहमे मेरा दिन देखीने आनन्द मनाया; तिने देख्या कने खुश था।”

रोमियो 4:12

अब्राहम खतना औल़यां रा बी आत्मिक पिता, पर तिन्हारा बी आ जे सै परमेशरा पर विश्वास करीने अहांरे पूर्वज अब्राहमा साई जीवन बितायें, तियां जे सै खतने ते पैहले जीया था।

रोमियो 4:16

इस खातर, विश्वासा रे जरिये परमेशरा रा वायदा औआं, ताकि वायदा परमेशरा रे अनुग्रह रे जरिये अब्राहम रे सारे वंशां रे खातर पक्का हुई सक्को। न सिर्फ तिन्हां खातर सै जे व्यवस्था रा पालन कराँ ये बल्कि तिन्हां सारयां खातर बी सै जे अब्राहमा साई विश्वास रखां ये, सै जे अहां सारयां रा पूर्वज आ,

रोमियो 9:7

कने नांई अब्राहम रे वंशज हुणे रिया वजह ने सै सारे तिसरे सच्चे बच्चे बणी जान्दे, काँह्भई परमेशरे अब्राहम जो बोल्या था, “सै जे इसहाक रे वंशा ते जन्म लें सैई तेरे बंशज मन्ने जाणे।”

गलातियां 3:29

कने काँह्भई तुहें मसीह रे, तां फेरी तुहें अब्राहम रे वंश ये, कने परमेशरे सै जे वायदा अब्राहमा ने कित्या था, तिस वायदे रे बारस बी ये।

गलातियां 3:7

तां फेरी तुहें ये समझी लेणा चाहिन्दा, भई अब्राहम री असली औलादां सैई हाईयां सै जे परमेशरा पर विश्वास कराँ ये।