यूहन्ना 8:29 - बिलासपुरी नौआं नियम

²⁹ कने मेरा भेजणे औल़ा मेरे कन्ने आ; तिने हऊँ सुनसान जगह च नीं छड्डीरा, काँह्भई हऊँ सदा सैई काम्म कराँ तिसते जे मेरा पिता खुश हुआं।”

यूहन्ना 8:29 ပူးပေါင်းရင်းမြစ်များ

मत्ती 17:5

सै हल्तियें गल्ल करयां इ कराँ था भई इक चमकदे हुये बद्दल़े सै ढक्कीले, कने बद्दल़ा चते अकाशवाणी हुई : भई “ये मेरा प्यारा पुत्र आ, तिसते जे हऊँ बड़ा खुश आ: इसरी सुणा।”

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

मत्ती 3:17

कने स्वर्गा ते इक अवाज़ आई: “ये मेरा प्यारा पुत्र आ, तिसते जे हऊँ बौहत खुश आ।”

यूहन्ना 14:31

ये गल्लां इस खातर पूरियां हुणियां भई संसारा जो पता लगी जाओ भई हऊँ पिता ने प्यार कराँ। पिता तेढ़ा जे हुक्म मिन्जो दितिरा, हऊँ तेढ़ा ही कराँ। हुण उट्ठा कने येत्थीते चला।”

यूहन्ना 15:10

जे तुहें मेरयां हुक्मां जो मनगे तां तुहां मेरे प्यारा च बणीरे रैहणा। तियां जे हऊँ पिता परमेशरा रे हुक्मां रा पालन करीने तिसरे प्यारा च बणीरा रैआं।

यूहन्ना 16:32

सुणो, सै बगत आया रां, पर आईग्या, ताहलूं जे तुहां सब्बीं लग-लग हुई जाणा, मिन्जो कल्हे जो छड्डिने, अपणे-अपणे घराँ जो चली जाणा। फेरी भीं हऊँ कल्हा निआं, काँह्भई मेरा पिता मेरने सौगी आ।

यूहन्ना 17:4

सै जे काम्म तैं मिन्जो करने जो दित्तिरे थे, तिन्हां सब्बीं जो पूरा करीने, संसारा च मैं तेरी महिमा कित्ती।

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 5:30

“हऊँ खुद अप्पूँ ते किछ मनी करी सकदा; पर हऊँ सै जे किछ परमेशरा ते सुणां, सिर्फ तिसरे इ मुतावक न्याय कराँ; कने मेरा न्याय सच्चा, काँह्भई हऊँ अपणिया इच्छा ते नीं बल्कि तिसरी इच्छा चाँह तिने जे हऊँ भेज्जिरा।

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

यूहन्ना 8:16

कने जे हऊँ न्याय करूँ बी, तां मेरा न्याय सच्चा; काँह्भई हऊँ कल्हा निआं, पर हऊँ पिते सौगी आ, तिने जे मिन्जो भेज्जिरा।

2 तिमुथियुस 4:17

पर प्रभुये मेरा साथ दित्या कने मिन्जो सामर्थ दित्ति, ताकि मेरे जरिये साफ तौर पर खुशखबरिया रा प्रचार हुई सक्को कने सब अन्यजातियां रे लोक सुणी सक्को; कने प्रभुये मिन्जो मौती ते बचाया।

2 तिमुथियुस 4:22

हऊँ प्राथना कराँ भई प्रभु तेरे सौगी रौ कने परमेशरा रा अनुग्रह तुहां सब्बीं पर बणीरा रौ।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।

इब्रानियों 7:26

इस खातर येढ़ा महायाजक अहां रियां जरूरतां जो पूरा कराँ, सै जे पवित्र, निष्कपट, कने निर्मल आ, कने पापियां ते लग आ, कने तिस्सो जे परमेशर स्वर्गा च लेईग्या।

1 यूहन्ना 2:1

मेरे प्यारे बच्चयो, ये गल्लां हऊँ तुहांजो इस खातर लिखिराँ भई तुहें पाप नीं करो, कने जे कोई पाप करो तां परमेशर पिता ले अहांरा इक सहायक आ यनिके धर्मी यीशु मसीह तिस्सो जे अहें पापां जो माफ करने रे खातर बोल्ली सक्कां ये।

1 यूहन्ना 3:22

कने सै किछ जे अहें परमेशरा ते मंगां ये, सै अहांजो तिसते मिलां; काँह्भई अहें तिसरे हुक्मां जो मन्नां यें, कने सै जे किछ तिस्सो ठीक लगां अहें सैई कराँ ये।