यूहन्ना 8:26 - बिलासपुरी नौआं नियम

²⁶ तुहांरे बारे च गलाणे जो कने तुहांरा न्याय करने जो मेरले बौहत किछ आ; पर मेरा भेजणे औल़ा सच्चा, कने जो किछ हऊँ तिसते सुणां, सैई संसारा ने बोलां।”

यूहन्ना 8:26 ပူးပေါင်းရင်းမြစ်များ

यूहन्ना 15:15

हूणा ते बाद हऊँ तुहांजो दास नीं बोलदा; काँह्भई दास नीं जाणदा भई तिन्हांरा मालक क्या-क्या करया राँ, पर हऊँ तुहांजो दोस्त बोलां, काँह्भई मैं तुहांजो सारियां गल्लां बातां दस्सी रियां, सै जे मैं अपणे पिता ते सुणी रियां।

यूहन्ना 16:12

“हऊँ तुहांजो होर बी बौहत सारियां गल्लां दसणा चांह, पर हल्तियें तुहें इन्हां सारियां गल्लां जो समझी नीं सकदे।

यूहन्ना 17:8

काँह्भई मैं तिन्हांजो सैई सन्देश दित्या सै जे तुहें मिन्जो दित्तिरा था, कने सै तिस्सो ग्रहण करीने सच्चीजो ये जाणीगे भई हऊँ तेरे लाते आईरा। कने तिन्हें ये विश्वास कित्या भई तैंई मिन्जो भेज्जिरा।

यूहन्ना 18:20

यीशुये जबाब दित्या, “मैं सदा लोकां च रईने सारयां ने खुल्लेआम गल्ल-बात किति; मैं यहूदी सभा घराँ कने मन्दरा च तित्थी जे सारे लोक कट्ठे हुआं ये, सदा उपदेश दित्या। मैं कदीं बी लुखी-छिपिने किछ नीं गलाया।

यूहन्ना 3:11

हऊँ तुहांजो सच्च बोलां, भई अहें सै जे जाणाँ ए सैई बोलां ए, कने अहें सै जे देक्खीरा तिसरी ही गवाही दें, कने सै जे अहें बोलां ए तिस पर तुहें विश्वास नीं करदे।

यूहन्ना 7:16

यीशुये तिन्हांजो जबाब दित्या, “सै उपदेश जे हऊँ देआं सै मेरा अपणा निआं, पर ये परमेशरा रिया तरफा ते आ, तिने जे हऊँ भेज्जिरा।

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

यूहन्ना 8:25

यहूदी अगुवेयां तिसते पुच्छया, “तू कुण आ?” यीशुये तिन्हांजो जबाब दित्या, “तदुआं ते जे मैं उपदेश देणा शुरु कित्या, हऊँ तुहांजो दसदा आईरा भई हऊँ कुण आ!

यूहन्ना 8:27

सै ये नीं समझी पाये भई यीशु तिन्हांजो पिता रे बारे च गलाया दा सै जे स्वर्गा चा।

यूहन्ना 8:40

पर इसरे बजाय हुण तुहें मिन्जो मारना चांये, काँह्भई मैं त तुहांजो सच्चाई दस्सी सै जे मैं परमेशरा ते सुणिरी; तुहां साई त अब्राहमे मनीं कित्या हुंणा।

2 कुरिन्थियों 1:18

तियां जे परमेशर बफादार आ, तियां इ सै किछ जे अहें तुहांजो बोलां ये सै हमेशा सच्चा आ।