यूहन्ना 8:24 - बिलासपुरी नौआं नियम

²⁴ इस खातर मैं तुहांजो गलाया भई तुहां अपणयां पापां च मरना, काँह्भई जे तुहें मांह पर विश्वास नीं करगे भई हऊँ सैई आ, तां तुहां अपणयां पापां च मरी जाणा।”

यूहन्ना 8:24 ပူးပေါင်းရင်းမြစ်များ

मत्ती 24:5

हऊँ ये इस खातर बोलीराँ भई येढ़े कई ये तिन्हांजे मेरा नौं लेईने औणा कने बोलणा ‘हऊँ मसीह आ,’ कने तिन्हां मते लोक भरमाणे।

मरकुस 13:6

कईयां लोकां औणा कने बोलणा भई मैं तिन्हांजो भेज्जिरा, ‘हऊँ मसीह आ,’ कने तिन्हां कई लोकां जो भरमाणा।

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

लूका 21:8

तिने गलाया, “चौकन्ने रौआ, भई झूट्ठा पर विश्वास नीं करो, काँह्भई मतयां लोकां मेरा हुणे रा दावा करना कने बोलणा भई हऊँ मसीह आ कने सौगी जो येढ़ा बी बोल़णा, संसारा रा अन्त नजदीक आ। पर तुहें तिन्हांरे पिच्छे देक्खां चली जान्दे।

यूहन्ना 13:19

येढ़ा सब हुणे ते पैहले इ हऊँ तुहांजो इस खातर दस्यारां भई ताहली जे ये गल्लां हुई जाओ तां तुहें विश्वास करो भई सै “हऊँ आ।”

यूहन्ना 3:18

सै जे परमेशरा रे पुत्रा पर विश्वास कराँ, तिस पर सजा देणे रा हुक्म नीं हुन्दा, पर सै जे तिस पर विश्वास नीं करदा, सै दोषी हुई चुक्कीरा; काँह्भई तिने परमेशरा रे इकलौते पुत्रा पर विश्वास नीं कित्या।

यूहन्ना 3:36

इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 4:26

यीशुये तिसाने गलाया, “हऊँ जे तेरने गल्ल करी रां, हऊँ सैई हाया।”

यूहन्ना 8:21

यीशुये तिन्हांने इक बार भीं गलाया, “हऊँ दूर जाया राँ कने तुहां मिन्जो टोलणा कने लगातार पाप करने ते मरी जाणा; तित्थी जे हऊँ जां, तित्थी तुहें नीं आई सकदे।”

यूहन्ना 8:25

यहूदी अगुवेयां तिसते पुच्छया, “तू कुण आ?” यीशुये तिन्हांजो जबाब दित्या, “तदुआं ते जे मैं उपदेश देणा शुरु कित्या, हऊँ तुहांजो दसदा आईरा भई हऊँ कुण आ!

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

यूहन्ना 8:58

यीशुये तिन्हाने जबाब दित्या, “हऊँ तुहांजो सच्च बोलां, भई अब्राहम रे पैदा हुणे ते पैहले, हऊँ था कने हऊँ आ।”

प्रेरितां 4:12

कने किसी दुज्जे ते छुटकारा निआं; काँह्भई सारे संसारा च यीशुये ते इलावा होर कोई दुज्जा नौं नीं दित्तिरा, भई तिसते जे अहांजो छुटकारा मिली सक्को।”

इब्रानियों 12:25

सावधान रौआ, भई तुहें परमेशरा ते मुँह नीं फेरा सै जे तुहांजो गल्लां कराँ, काँह्भई जे इस्राएल रे लोक सजा ते नीं बचे ताहली जे तिन्हें इसा धरतिया च रैहन्दे हुये मूसा रियां गल्लां ते मुँह फेरील्या था, तां सच्चीजो अहें बी नीं बची सकदे, जे अहें तिस परमेशरा ते मुँह फेरगे सै जे स्वर्गा ते अहांने गल्लां कराँ।

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।