यूहन्ना 8:22 - बिलासपुरी नौआं नियम

²² इस पर यहूदी अगुवेयां गलाया, “क्या तुहें सोच्चां ये भई सै आत्म हत्या करने औल़ा? काँह्भई तिने गलाया, ‘तित्थी जे हऊँ जाईराँ तुहें तित्थी नीं आई सकदे’?”

यूहन्ना 8:22 ပူးပေါင်းရင်းမြစ်များ

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 10:20

तिन्हां चते जादातर लोक बोलणे लगे, “तिस पर बुरीआत्मा स्वार इ, कने सै पागल आ; तुहें तिसरी कजो सुणी कराँ ये?”

यूहन्ना 7:20

लोकें जबाब दित्या, “तू बुरीआत्मा रे वशा चा! तिज्जो कुण मारना चांह?”

यूहन्ना 7:35

फेरी यहूदी अगुवे अप्पूँ बाटियें गलाणे लगे, “इस किति जो जाणा भई तित्थी जे अहें इस्सो टोल़ी नीं पांगे? शायद इस यूनानी नगरा च तितर-बितर हुईने बसीरे यहूदियां ले जाणा, कने यूनानियां जो बी उपदेश देणा?

यूहन्ना 8:48

ये सुणीने यहूदियें तिसने गलाया, “क्या अहांरा ये बोलणा ठीक नीं था भई तू सामरी आ, कने तूह च इक बुरीआत्मा इ?”

यूहन्ना 8:52

यहूदियें तिसने गलाया, “हुण अहें जाणीगे भई तूह च बुरीआत्मा समाईरी। अब्राहम मरीग्या, कने भविष्यवक्ते बी मरीये; कने तू बोल्लां, ‘जे कोई मेरियां सखाई रियां गल्लां रा पालन करगा, तिस कदीं नीं मरना।’

इब्रानियों 12:3

इस खातर यीशुये रे उदाहरणा पर ध्यान देआ भई तिने जे पापियां रे जरिये दित्तिरे बौहत दुखां जो कने नफरता जो सहन करील्या, ताकि तुहें उदास हुईने हिम्मत नीं हारी दो।

इब्रानियों 13:13

इस खातर औआ, यहूदी रीति-रिवाजां जो छड्डिने यीशुये पर विश्वास करिये कने तिस साई दुख कने निंध्या सैईये।