यूहन्ना 8:20 - बिलासपुरी नौआं नियम

²⁰ ये गल्लां तिने मन्दरा रे अंगणा च उपदेश देन्दे हुये भण्डार घरा च बोल्ली, कने किन्हिये बी तिस्सो नीं पकड़या, काँह्भई तिसरे दुख सैहणे कने मरने रा बगत हल्तियें नीं आईरा था।

यूहन्ना 8:20 ပူးပေါင်းရင်းမြစ်များ

मत्ती 26:55

तिस बगत यीशुये भीड़ा जो गलाया, “तुहें मिन्जो पकड़ने तलवारां कने डन्डयां लेईने इयां आये तियां जे किसी चोरा जो पकड़ने आईरे? हऊँ हर रोज मन्दरा च बैठीने उपदेश देआं था, पर ताहली तुहें हऊँ काँह नीं पकड़या।

मत्ती 27:6

मुखियायाजकें सै सिक्के चक्की ले कने गलाया, “व्यवस्था रे मुतावक इस पैसे जो मन्दरा रे खजाने च रखणा ठीक निआं, काँह्भई ये माहणुये जो मरवाणे री कीमत इ।”

मरकुस 12:41

यीशु मन्दरा रिया दान-पेट्टिया रे सामणे बैठीने देख्या राँ था भई लोक मन्दरा रिया पेट्टिया च कियां दान पांये; कने अमीर लोकें दान-पेट्टिया च बौहत जादा दान पाया।

मरकुस 12:43

तां यीशुये अपणे चेलयां जो अप्पूँ ला सद्दीने तिन्हांने गलाया, “हऊँ तुहांजो सच्च बोलां भई मन्दरा रिया दान-पेट्टिया च पाणे औल़यां चते इस गरीब विधवे सब्बीं ते जादा दान दित्या;

लूका 20:19

शास्त्रियें कने मुखियायाजकां तिस बेले जे ये उदाहरण दित्या, तां सै इकदम तिस्सो पकड़ना चाँह थे, काँह्भई सै जाणीगे भई यीशु अहांरी तरफ ईशारा करी रां भई इस कहाणिया रे करसाण अहें लोक ये, पर सै लोकां ते डराँ थे।

लूका 21:1

जिस बगत यीशु मन्दरा च था, तिन्हे अमीराँ जो दान पेट्टिया च दान पान्दे देख्या।

यूहन्ना 10:39

तां फेरी भीं तिन्हे तिस्सो पकड़ने री कोशिश कित्ती पर सै तिन्हांते दूर चलिग्या।

यूहन्ना 2:4

यीशुये तिसाजो गलाया, “माता ये तू मिन्जो कां दस्या राईं? मेरा बगत हल्तिये नीं आईरा।”

यूहन्ना 7:14

ताहली जे त्योहारा रे अधे दिन बितिगे; तां यीशु मन्दरा च जाईने उपदेश देणे लगया।

यूहन्ना 7:30

तिसरिया इसा गल्ला पर सै यीशुये जो गिरफ्तार करना चाहया, पर कोई बी तिसजो हात्थ नीं पाई सक्कया, काँह्भई तिसरा बगत हल्तियें नीं आईरा था।

यूहन्ना 7:44

तिन्हां चते कितणे तिस्सो पकड़ना चांह थे, पर किन्हिये तिसजो हात्थ नीं लाया।

यूहन्ना 7:8

तुहें त्योहारा च जावा; हऊँ हल्तियें इस त्योहारा च नीं जाई सकदा, काँह्भई हल्तियां तक मेरा बगत पूरा नीं हुईरा।”

यूहन्ना 8:2

कने अगले दिन तड़के इ सै फेरी मन्दरा रे अंगणा च आया; बौहत लोक तिसलौ आये कने सै बैठीने तिन्हौं उपदेश देणे लगया।

यूहन्ना 8:59

फेरी इस पर लोकें यीशुये जो मारने खातर पत्थर चक्के, पर सै तिन्हां वलाते हटया कने मन्दरा ते निकल़ीने दूर चलिग्या।