यूहन्ना 8:12 - बिलासपुरी नौआं नियम

¹² फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

यूहन्ना 8:12 ပူးပေါင်းရင်းမြစ်များ

मत्ती 5:14

तुहें इस संसारा रे लोकां खातर लोई साई ये। इक येढ़ा नगर सै जे ऊच्चे पहाड़ा पर बसीरा सै छिपाईने नीं छिपि सकदा।

लूका 2:32

भई सै अन्यजातियां रे लोकां पर परमेशरा रिया सच्चाईया जो परगट करने औल़ी ज्योति आ, कने तेरे अपणयां लोकां इस्राएल रे खातर तिस आदर लेईने औणा!”

यूहन्ना 12:35

फेरी यीशुये तिन्हांने बोल्या, “जोति तुहांरे बिच हल्तियें किछ वगत होर रैहणी, तदुआं तका जे जोति तुहांले इ अग्गे बधदे रौआ, किति येढ़ा नीं हो भई अन्धेरा तुहांजो घेरी लो; सै जे अन्धेरे च चलां सै नीं जाणदा भई सै कितो जाया राँ।

यूहन्ना 12:36

तदुआं तका जे जोति तुहांले इ, जोतिया पर विश्वास करा, तिसते जे तुहें जोतिया रे बच्चे बणी सक्‍को।” ये गल्लां बोलीने यीशु चलिग्या कने तिन्हांते दूर रैहणे लगया।

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 3:19

सजा रे हुक्मा री वजह येई भई जोति इसा दुनिया च आई कने लोकें अन्धेरे जो जोतिया ते जादा प्यारा समझया, काँह्भई तिन्हांरे काम्म बुरे थे।

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

यूहन्ना 9:5

तदुआं तक जे हऊँ संसारा चा, तदुआं तक संसारा री जोत आ।”

प्रेरितां 13:47

काँह्भई प्रभुये अहां जो ये हुक्म दितिरा, ‘मैं तुहांजो अन्यजातियां खातर ज्योति ठहराईरा, ताकि तुहें धरतिया रे कोणे-कोणे तका जाईने छुटकारे री वजह बणो।’ ”

प्रेरितां 26:23

भई मसीह जो दुख सैहणे पौणा, कने तिस इ सब्बीं ते पैहले मूईरेयां चते जिऊंदा हुईने, अहां रयां लोकां च कने अन्यजातियां च परमेशरा रा सन्देश सै जे ज्योतिया साई आ तिसरा प्रचार करना।”

2 पतरस 2:17

ये झूट्ठे शिक्षक सुक्के खूआ साई ये कने येढ़े बगैर बरखा रे बद्दल़ ये तिन्हांजो जे तूफान डुआईने लेई जायें; परमेशरे तिन्हांरे खातर इक येढ़ि जगह त्यार कित्तिरी, तित्थी जे पूरी तरह अन्धकार आ।

2 पतरस 2:4

परमेशरे तिन्हां स्वर्गदूतां जो नीं छडया ताहली जे तिन्हें पाप कित्या पर तिन्हांजो नरका च सटीत्या, तित्थी जे तिन्हांजो बेड़ियां ने बन्हीने अन्धकारा च रखीरा ताकि सै न्याय रे दिना तक तित्थी पैईरे रौ।

1 यूहन्ना 1:6

जे अहें बोलिये भई तिसने सौगी अहांरी संगती, कने फेरी जे बुराईया पर चलो, तां अहें झूट्ठे कने सच्चाईया पर नीं चलदे;

यहूदा 1:13

तियां जे समुद्रा रियां तेज लैहराँ गन्दा झाग निकाल़ां इयां तियां इ ये लोक बेशर्मिया रा काम्म कराँ ये। ये लोक किछ तारयां साई ये सै जे अम्बरा च भटकदे रैं, तिन्हांरे खातर जे परमेशरे सदा काल रा घोर अन्धकार रक्खीरा।

यहूदा 1:6

हऊँ तुहांजो ये बी याद दिलाणा चांह भई सै स्वर्गदूत सै जे अपणे औहदे पर नीं रैं, पर अपणे रैहणे रिया जगहां जो छड्डीत्या। परमेशरे तिन्हौं येढ़ियां बेड़ियां ने जकड़ीने अन्धकारा रिया जगह च रक्खीरा, तिसाजो जे कोई तोड़ी नीं सकदा। तिस तिन्हांजो तदुआं तक तिसा जगह च रखणा तदुआं तक जे न्याय रा सै महान दिन नीं आई जान्दा।

प्रकाशितवाक्य 21:24

जाति-जाति रे लोकां तिसरिया जोतिया च चलना कने धरतिया रे राजयां अपणी-अपणी धन-दौलत इस नगरा च ल्यौणी।