यूहन्ना 7:37 - बिलासपुरी नौआं नियम

³⁷ फेरी त्योहारा रे खत्म हुणे औल़े दिन, सै जे खास दिन आ, यीशु उट्ठया कने जोरा ने गलाया, “जे कोई प्यासा ओ तां मेरले आईने पीओ।

यूहन्ना 7:37 ပူးပေါင်းရင်းမြစ်များ

मत्ती 11:28

“अपणे धर्मगुरुआं रे नियमा रे बोझे हेठ दबोई रे सारे लोको, मेरले औआ, हऊँ तुहांजो सुख चैन देंगा।

मत्ती 3:3

ये यूहन्ना सैई हाया तिसरे बारे च जे यशायाह भविष्यवक्ते चर्चा करदे हुये गलाया था : “सुनसान जगह च इक हाक पाणे औल़े री अवाज़ हुई कराँ इ, भई परमेशरा रे औणे खातर अपणे आप जो त्यार करा।”

मत्ती 5:6

परमेशर तिन्हां लोकां जो आशीष देआं, सै जे सच्चाईया ने तियां जीणे री इच्छा रक्खां ये, तियां जे कोई भुक्खा रे वगत खाणे पीणे री इच्छा रक्खां, काँह्भई तिन्हौं परमेशर सच्चाईया ने जीणे रे लायक बणां।

यूहन्ना 1:23

तिने गलाया, तियां जे यशायाह भविष्यवक्ते गलाईरा, “हऊँ तिस साई आ सै जे येढ़िया जगह च प्रचार करी रां तित्थी जे तिसरी अवाज़ कोई नीं सुणो: भई परमेशरा रे औणे खातर खुद अप्पूँजो तियां त्यार करा तियां जे किसी खास माहणुये रे औणे खातर लोक रस्ता त्यार कराँ ये।”

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 4:11

जनाने तिसजो गलाया, “प्रभु जी, तेरले त पाणी निकाल़णे जो कोई बी बर्तण निआं, कने खूह बड़ा डुग्गा, तां फेरी सै जीवन देणे औल़ा पाणी तेरेले किती ते आया?

यूहन्ना 4:14

पर सै जे कोई तिस पाणिये जो पींगे, सै जे माह तिस्सो देणा, तिस फेरी कदीं प्यासे नीं रैहणां; बल्कि सै पाणी जे हऊँ तिस्सो देंगा, सै तिसच इक पाणिये रा सोता बणी जाणा सै जे तिस्सो अनन्त जीवन देंगा।”

यूहन्ना 5:40

फेरी भीं तुहें अनन्त जीवन पाणे खातर मेरले नीं औणा चाहन्दे।

यूहन्ना 6:35

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

यूहन्ना 6:37

सै किछ जे पिता मिन्जो देआं सै सारा मेरलौ इ औणा, कने तिस जे मेरले औणा तिसजो मांह कदीं नीं त्यागणा।

यूहन्ना 6:55

काँह्भई हकीकत च मेरा शरीर खाणे री, कने मेरा खून पीणे री चीज़ इ।

यूहन्ना 7:28

फेरी यीशुये मन्दरा रे अंगणा च उपदेश देन्दे हुये जोरा ने गलाया, “तुहें मिन्जो जाणाँ ये, कने ये बी जाणाँ ये भई हऊँ कित्तिरा। हऊँ त अपणिया मर्जिया ते नीं आईरा, पर मिन्जो भेजणे औल़ा सच्चा, तिस्सो तुहें नीं जाणदे।

1 कुरिन्थियों 10:21

तुहें प्रभुये रे कटोरे कने बुरीआत्मा रे कटोरे दुईं चते नीं पी सकदे। तुहें प्रभुये री मेज बुरीआत्मां री मेज दुईं रे सहभागी नीं हुई सकदे।

1 कुरिन्थियों 10:4

कने सब्बीं इक्को इ आत्मिक पाणी पित्या, काँह्भई सै तिस आत्मिक चट्टान्ना ते पीआं थे सै जे तिन्हां सौगी-सौगी चलां थी, कने सै चट्टान मसीह था।

1 कुरिन्थियों 11:25

इसा इ रितिया ते तिने तिसते बाद कटोरा बी लया कने गलाया, “ये कटोरा मेरे खून्ना च नई वाचा ई: ताहली जे कदीं पीओ, तां मिन्जो याद करने खातर येढ़ा इ करया करा।”

1 कुरिन्थियों 12:13

काँह्भई अहें सब्बीं क्या यहूदी, क्या यूनानी, क्या दास, क्या अजाद, इक्की आत्मा रे जरिये इक देह हुणे रे खातर बपतिस्मा लैया, कने अहें सब्बीं इक इ आत्मा पाईरा।

इफिसियां 5:18

शराब पीणे औल़े रा नशा मत करा, काँह्भई इसते गल़त इच्छा पैदा हुआं इ, पर पवित्र आत्मा ते भरदे जावा।

प्रकाशितवाक्य 21:6

फेरी तिने मेरने बोल्या, “सब किछ पूरा हुईगरा। हऊँ अल्फा कने ओमेगा, शुरु कने अन्त आ। सै जे प्यासा, तिसजो मांह जीवना रे पाणिये रे सोते चते मुफ्त प्याणा।

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।