यूहन्ना 7:31 - बिलासपुरी नौआं नियम

³¹ फेरी भीं भीड़ा चते बौहत लोकें तिस पर विश्वास कित्या कने बोलणे लगे, “मसीहे ताहली जे औणा तां तिस क्या इसते बी जादा चमत्कारी नशाण दसणे सै जे इने दस्से?”

यूहन्ना 7:31 ပူးပေါင်းရင်းမြစ်များ

मत्ती 12:23

इस पर सारे लोक हैरान हुईने बोलणे लगे, “क्या ये माहणु दाऊद रा वंशज हुई सक्कां?”

लूका 8:13

किछ लोक येढ़े तिन्हांरी बराबरी तिन्हां ब्यूआं ते कित्ती जाई सक्कां इ सै जे पत्थरीली जमीन्ना पर पैया। ये सैए सै जे परमेशरा रा बचन खुशिया ने सुणां ये कने इकदम ग्रहण बी कराँ ये। पर वचन तिन्हांरे दिलां री गहराईया तक नीं जान्दा, काँह्भई सै सिर्फ थोड़े इ वगता तक विश्वास कराँ ये; सै तिन्हां पौध्यां साई ये तिन्हांरियां जड़ां जे डुग्गियां नीं हुन्दियां। ताहली जे परमेशरा रे सन्देशा पर विश्वास करने रिया वजह ने तिन्हां पर दुख कने तकलीफां औईयां, तां सै विश्वासा ते भटकीने पाप कराँ ये।

यूहन्ना 11:45

इसते बाद मरियमा सौगी आईरे यहूदियां चते बौहत लोकें यीशुये रे इस कम्मा जो देखीने तिस पर विश्वास कित्या,

यूहन्ना 12:11

काँह्भई तिसरिया वजह ते बौहत सारे यहूदी लोकें अपणे अगुवेयां जो छड्डिने यीशुये पर विश्वास कित्या।

यूहन्ना 12:42

तां बी अधिकारियां चते बौहतीं तिस पर विश्वास कित्या, पर सै फरीसियां रिया वजह ते यीशुये जो सब्बीं रे सामणे इस खातर नीं ग्रहण करां थे, भई सै किति यहूदी सभा घर चते तिन्हाजो कड्डी नीं देओ;

यूहन्ना 2:11

यीशुये गलील जिले रे काना नगरा च ये पैहला नशाण दस्सीने अपणी महिमा परगट कित्ती कने तिसरे चेलयां तिस पर विश्वास कित्या।

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

यूहन्ना 4:29

“आईने, इक्की येढ़े माहणुये जो देक्खा, तिने मेरे बारे च बौहत सारियां गल्लां दस्सीत्या सै जे मैं किति रियां थी। किति येई मसीह त निआं?”

यूहन्ना 4:39

तिस नगरा रे कई सामरियें तिसा जनाना रे गलाणे पर यीशुये पर विश्वास कित्या, तिसे ये गवाही दित्ति थी, भई तिने मेरिया जिन्दगिया रे बारे च बौहत सारियां गल्लां दस्सी तियां जो किछ मैं कित्तिरा था।

यूहन्ना 6:2

कने लोकां री इक बड्डी भीड़ तिसरे पिच्छे चलीपी काँह्भई जो चमत्कार करने औल़े काम्म सै बमाराँ पर दस्सां था लोक तिन्हाजो देक्खां थे।

यूहन्ना 7:26

मगर देक्खा, सै त सारयां लोकां ने निधड़क गलाई बोलीराँ कने कोई तिसजो किछ नीं गलाईरां। क्या यहूदी अगुवेयां सच्चीजो जाणील्या भई येई मसीह आ?

यूहन्ना 9:16

इस पर किछ फरीसी बोलणे लगे, “ये माहणु परमेशरा रिया तरफा ते निआं काँह्भई सै विस्राम रे दिना रा पालन नीं करदा।” होरीं गलाया, “कोई पापी माहणु भला येढ़े चमत्कारा रे काम्म कियां करी सक्कां?” इसा गल्ला पर सै अप्पूँ बाटियें लड़ने लगे।

प्रेरितां 8:13

तां शमौने अपणे आप बी फिलिप्पुसा रे सन्देशा पर विश्वास कित्या कने बपतिस्मा लईने फिलिप्पुसा ने सौगी रैहणे लगया। सै चमत्कारी नशाण कने बड़े-बड़े सामर्था रे काम्म हुंदे देखीने हैरान हुआं था।

याकूब 2:26

तियां जे बिणा साह ते शरीर मूईरा हुआं, तियां इ बिणा खरयां कम्मां ते विश्वास बी मूईरा हुआं।