यूहन्ना 7:27 - बिलासपुरी नौआं नियम

²⁷ खैर अहें त इसजो जाणाँ ये भई ये माहणु किति ते आईरा; पर ताहली जे सच्चे मसीह औंणा, तां किसी जो बी पता नीं चलना भई सै कितिते आया।”

यूहन्ना 7:27 ပူးပေါင်းရင်းမြစ်များ

मरकुस 6:3

तिन्हें ये बोल्लीने तिसरा अपमान कित्या, क्या ये सिर्फ इक लकड़िया रा मिस्त्री निआं? सै जे मरियम रा पुत्र, याकूब, योसेस, यहूदा कने शमौना रा भाई आ। क्या इस रियां बैहणीं येत्थी अहांरे बिच नीं रैहन्दियां?” इस खातर तिन्हें तिसजो ग्रहण नीं कित्या।

लूका 4:22

कने सारयां लोकें यीशुये री सराहना कित्ती, कने तिसरे मुँआं ते निकल़णे औल़े अनुग्रह रे वचन सुणीने सै सब हैरान हुईगे; कने गलाणे लगे, “क्या ये यूसुफा रा पुत्र निआं?”

यूहन्ना 6:42

कने तिन्हे बोल्या, क्या ये सैई यीशु निआं, सै जे यूसुफा रा पुत्र आ, तिसरे पिता कने माता जो जे अहें जाणाँ ये? तां सै हुण कियां बोलां, भई हऊँ स्वर्गा ते आईरा?

यूहन्ना 7:15

फेरी यहूदी अगुवे चम्भा करीने गलाणे लगे, “ये माहणु सै जे कदीं स्कूला नीं गया फेरी भीं इतणा किछ कियां जाणाँ?”

यूहन्ना 9:29

अहें जाणाँ ये भई परमेशरे मूसे ने गल्ल बात किति; पर इस माहणुये जो नीं जाणदे भई ये कितिते औआं।”

प्रेरितां 8:33

तिसरे गरीब हुणे पर बी सै अपमानित हुया कने तिस्सो कोई न्याय नीं मिलया। तिसरिया पीढ़िया रा कुण बखान करगा? काँह्भई धरतिया ते तिसरा जीवन त लेईल्या था।”