यूहन्ना 7:13 - बिलासपुरी नौआं नियम

¹³ तां बी यहूदी अगुवेयां रे डरा रे मारे कोई बी माहणु तिसरे बारे च खुल्ही ने नीं बोल्ली पां था।

यूहन्ना 7:13 ပူးပေါင်းရင်းမြစ်များ

यूहन्ना 19:38

इसते बाद अरिमतियाह गाँवां रे यूसुफे सै जे यीशुये रा चेला था, (पर यहूदी अगुवेयां रे डरा ते इसा गल्ला जो लुकोई रक्खां था) तिने पिलातुसा ते विनती किति, भई यीशुये रिया लाशा जो तित्थी ते नेणे रा हुक्म देओ। पिलातुसे तिस्सो इजाजत दईती, कने सै तित्थी आईने तिसरिया लाशा जो लईग्या।

यूहन्ना 20:19

तिस त्वारा रे संजके बगता, सै जे हफ्ते रा पैहला दिन था, चेले यहूदी अगुवेयां रे डरा रे मारे दरवाजा बन्द करीने बैठिरे थे। तां यीशु तित्थी आईने तिन्हांरे बिच खड़ा हुईग्या, कने तिन्हांजो गलाया, “तुहांजो शान्ति मिलो।”

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

यूहन्ना 7:1

इन्हां गल्लां ते बाद यीशु गलील प्रदेशा च घुमदा रैया; काँह्भई यहूदी अगुवे तिस्सो मारने रा जतन करीराँ थे, इस खातर सै यहूदिया प्रदेशा च घुमणा नीं चाहन्दा था।

यूहन्ना 7:11

यहूदी अगुवे त्योहारा च तिस्सो ये बोलीने टोल़णे लगे, भई “यीशु किति आ?”

यूहन्ना 7:15

फेरी यहूदी अगुवे चम्भा करीने गलाणे लगे, “ये माहणु सै जे कदीं स्कूला नीं गया फेरी भीं इतणा किछ कियां जाणाँ?”

यूहन्ना 9:22

तिसरयां मौ-बुढ़यां ये गल्लां इस खातर बोल्ली काँह्भई सै यहूदी अगुवेयां ते डराँ थे, काँह्भई तिन्हां च इसा गल्ला रा येक्का हुई चुक्कीरा था, भई जे कोई यीशुये जो मसीह मन्नो, तां सै यहूदी सभा घर ते बाहर कड्डी दित्या जाओ।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।

प्रकाशितवाक्य 2:13

हऊँ येत जाणाँ, भई तू ओत्थी रैआं तित्थी जे शैतान राज कराँ; कने तू मांह पर लगातार मजबूतिया ने विश्वास कराँ कने तैं तिन्हां दिनां च बी मांह पर विश्वास करना नीं छड्डया, ताहली जे मेरा बफादार गवाह अन्तिपास तिसा जगह मारया गया, तित्थी जे शैतान वास कराँ।