यूहन्ना 7:10 - बिलासपुरी नौआं नियम

¹⁰ पर ताहली जे तिसरे भाई त्योहारा च चलिये तां सै अप्पूँ बी गया, पर सै सामणे नीं, छुपीने गया था।

यूहन्ना 7:10 ပူးပေါင်းရင်းမြစ်များ

मत्ती 10:16

खबरदार! हऊँ तुहांजो असहाय भेड्डां साई लोकां रे बिच भेज्जां सै जे भेड़िये साई खतरनाक ये। इस खातर सर्पां साई चलाक कने समझदारिया ने काम्म करा, कने कबूतरां साई भोल़े-भाल़े कने खरयां गुणां जो परगट करा।

मत्ती 12:46

सै हल्तियें लोकां ने गल्ल बात करया इ कराँ था, भई तिसरी माता कने भाई-बन्धु तित्थी आई ने बाहर खड़ीगे; सै तिसने गल्ल करना चाँह थे।

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

मरकुस 3:21

ताहली जे यीशुये रे घरा औल़यां ये सुणया, तां सै तिस्सो पकड़ने रे खातर निकल़े, काँह्भई तिन्हांजो लगया भई यीशु पागल हुईगरा।

यूहन्ना 11:54

फेरी यीशुये तिस बगता ते यहूदियां रे सामणे खुल्लेआम औणा जाणा बन्द करित्या, फेरी सै सुनसान इलाके च एप्रैम गाँवां जो चलिग्या; कने अपणयां चेलयां सौगी तित्थी रैहणे लगया।

यूहन्ना 7:3

इस खातर यीशुये रे भाईयें तिसजो गलाया, “तुहांजो ये जगह छड्डिने यहूदिया प्रदेशा च चली जाणा चाहिन्दा, ताकि तेरे चेले तेरे चमत्काराँ जो ऊत्थी बी देक्खी सक्को तिन्हांजे तू कराँ।

यूहन्ना 7:5

काँह्भई यीशुये रे भाई बी तिस पर विश्वास नीं करदे थे।

यूहन्ना 7:9

सै येढ़ा गलाणे ते बाद गलील च रुकिग्या।

गलातियां 4:4

पर ताहली जे सही बगत आया, तां परमेशरे अपणे पुत्रा जो भेज्या सै जे औरता ते जम्मीरा, कने व्यवस्था रे अधीन जीआ।