यूहन्ना 6:71 - बिलासपुरी नौआं नियम

⁷¹ सै शमौन इस्करियोति रे मुण्डुये यहूदा रे बारे च गल्ल करी रां था, काँह्भई सै यीशुये रा बरोधी बणीने तिस्सो धोखा देणे औल़ा था, काँह्भई सैई बाराँ चेलयां चते इक था।

यूहन्ना 6:71 ပူးပေါင်းရင်းမြစ်များ

मत्ती 10:2

इन्हां बारा प्रेरितां रे नौं थे : पैहला शमौन, सै जे पतरसा रे नौआं ते जाणया गया, कने तिसरा भाई अन्द्रियास, जब्दिये रा पुत्र याकूब कने तिसरा भाई यूहन्ना।

मत्ती 10:4

शमौन कनानी, कने यहूदा इस्करियोति तिने जे यीशुये जो धोखे ने पकड़वाया था।

मरकुस 14:10

फिर यहूदा इस्करियोति सै जे बाराँ चेलयां चते इक था, तिने मुखियायाजकां ले जाईने बोल्या भई यीशुये जो पकड़वाणे च हऊँ तुहांरी सहायता करगा।

यूहन्ना 12:4

पर तिसरयां चेलयां चते यहूदा इस्करियोति नौआं रा इक चेला सै जे तिस्सो पकड़वाणा चां था, सै बोलणे लगया,

यूहन्ना 13:2

तंजे यीशु कने तिसरे चेले राति जो रोटी खाया राँ थे। शैताने पैहले तेई यीशुये जो धोखा देणे रे खातर शमौना रे पुत्र यहूदा इस्करियोति रे मना च पाईतरा था।

यूहन्ना 13:26

यीशुये तिस्सो जवाब दित्या, “तिस्सो जे माह रोटिया रा टुकड़ा डबोई कने देणा, सैई आ।” फेरी यीशुये रोटिया रा टुकड़ा कटोरे च डबोया कने तिस्सो चक्की ने यहूदा जो दित्या सै जे शमौन इस्करियोति रा पुत्र था।

यूहन्ना 2:2

यीशु कने तिसरे चेले बी तिस ब्याह च न्यून्दा देईने सद्दीरे थे।

यूहन्ना 20:24

थोमा सै जे बारां चेलयां चते था, कने तिस्सो जे दिदुमुस (जुड़वा) बोलां थे। तंजे यीशु आया था तां तिन्हांने सौगी नीं था।

यूहन्ना 6:64

पर तुहां च येढ़े कितणे लोक ये, सै जे विश्वास नीं करदे।” काँह्भई यीशु पैहले तेई जाणाँ था भई सै जे विश्वास नीं करदे, सै कुण ये; कने मिन्जो पकड़वाणे औल़ा कुण आ?

यूहन्ना 6:70

यीशुये तिन्हांजो जबाब दित्या, “क्या तुहां बाराँ जो मैंई नीं चुणीरा? फेरी भीं तुहां च इक माहणु शैतान रे वशा चा।”

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।

यहूदा 1:4

काँह्भई किछ लोक सै जे परमेशरा जो नीं मनदे कने झूट्ठी शिक्षा देआंये, अहां रिया जानकारिया बगैर चुपचाप अहांरे बिच घुसी चुक्कीरे। ये सै लोक ये तिन्हांजो जे परमेशरे बौहत पैहले पवित्रशास्त्रा च बोल्या था भई तिस तिन्हांजो सजा देणी। ये लोक विश्वास कराँ ये भई सै अनैतिक जीवन जी सक्कां ये, काँह्भई अहांरा परमेशर अनुग्रहकारी आ कने सै अहांरे इकलौते शासक कने प्रभु यीशु मसीह रा इन्कार कराँ ये।