यूहन्ना 6:62 - बिलासपुरी नौआं नियम

⁶² कने जे तुहें माहणुये रे पुत्रा जो यनि मिन्जो, तित्थी जे हऊँ पैहले था, भीं ते स्वर्गा च जान्दे देखणा, तां क्या हूणा?

यूहन्ना 6:62 ပူးပေါင်းရင်းမြစ်များ

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

मरकुस 16:19

तिन्हांने गल्लां करने ते बाद परमेशर प्रभु यीशुये जो स्वर्ग लेईग्या, कने अपणे संघासणा रे सज्जे पासे बठाया।

लूका 24:51

तिन्हाजो आशीष देन्दे हुये, सै तिन्हाते लग हुईग्या, कने परमेशर तिस्सो स्वर्गा जो लेईग्या।

यूहन्ना 16:28

हऊँ पिता परमेशरा ते प्रगट हुईने इस संसारा च आया; हुण फेरी भीं, हऊँ इस संसारा जो छड्डिने पिता परमेशरा लौ जाईराँ।”

यूहन्ना 17:11

हुण मांह इस संसारा च नीं रैहणा, पर सै संसारा ची रैहणे, कने पवित्र पिता, हऊँ तेरे लौ आया रां, तू अपणिया सामर्था ने तिन्हांरी हिफाजत कर, तिसते जे सै इक हुईजो तियां जे अहें इक ये।

यूहन्ना 3:13

कोई स्वर्गा जो नीं गया, पर सिर्फ माहणुये रा पुत्र यनिके हऊँ, सै जे स्वार्गा ते उतरी ने आईरा।

यूहन्ना 6:27

तिसा रोटिया खातर मेहणत नीं करा सै जे सड़ी जाईं, पर तिसा खातर मेहणत करा सै जे अनन्त जीवन देआं, सै जे माहणुये रे पुत्रा यनि मांह तुहांजो देणी; काँह्भई पिता यनि परमेशरे मिन्जो इ अधिकार दित्तिरा।”

यूहन्ना 6:42

कने तिन्हे बोल्या, क्या ये सैई यीशु निआं, सै जे यूसुफा रा पुत्र आ, तिसरे पिता कने माता जो जे अहें जाणाँ ये? तां सै हुण कियां बोलां, भई हऊँ स्वर्गा ते आईरा?

यूहन्ना 6:53

फेरी यीशुये तिन्हौ गलाया, “हऊँ तुहांजो सच्च बोलां तदुआं तक जे तुहें माहणुये रे पुत्रा रा यनि मेरा शरीर नीं खाओ, कने मेरा खून नीं पीओ, तदुआं तक तुहांले अनन्त जीवन नीं हूणा।

प्रेरितां 1:9

ये गल्ल बोलणे ते बाद, ताहली जे चेले देख्या राँ थे तां परमेशर यीशुये जो चक्कीने स्वर्गा खौ लेईग्या, कने बद्दल़ें यीशुये जो तिन्हांरियां नज़राँ ते लुकोईत्या।

1 पतरस 3:22

कने सै स्वर्गा च जाईने परमेशरा रे सज्जे पासे आदरा रिया जगह बैठिग्या; कने सारे स्वर्गदूत, अधिकारी कने शक्तियां तिसरे अधीन करीते।