यूहन्ना 6:57 - बिलासपुरी नौआं नियम

⁵⁷ बिल्कुल तियां इ जियां जे जिऊंदा पिते हऊँ भेज्जिरा कने हऊँ पिता परमेशरा रिया बजह ने जिऊंदा, तियां इ सै बी तिस जे हऊँ खाणा मेरिया बजह ते जिऊंदे रैहणा।

यूहन्ना 6:57 ပူးပေါင်းရင်းမြစ်များ

मत्ती 16:16

शमौन पतरसे जबाब दित्या, “तू मसीह आ, साक्षात परमेशरा रा पुत्र।”

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 17:21

ताकि सै सब इक हुई जाओ; हे पिता परमेशर, तियां जे तू मांह चा कने हऊँ तेरे चा; तियां इ सै बी अहां च इक ओ ताकि तिसते जे संसारा रे लोक ये विश्वास करो भई मिन्जो भेजणे औल़ा तूई आ।

यूहन्ना 3:17

काँह्भई परमेशरे अपणे पुत्रा जो संसारा च इस खातर नीं भेज्या भई सै संसारा रे लोकां जो सजा रा हुक्म देओ, पर इस खातर भेज्या भई संसारा रे लोक तिसरे जरिये छुटकारा पाओ।

यूहन्ना 5:26

काँह्भई जिसा रितिया ने पिता परमेशर अप्पूँ च जीवन रखां, तियां इ तिने पुत्रा जो बी ये अधिकार दित्या भई अप्पूँ च जीवन रक्खूँ;

यूहन्ना 6:29

यीशुये तिन्हांजो जबाब दित्या, “परमेशर सै जे चाँह सै येआ भई तिस्सो जे तिने भेजीरा, तुहें तिस पर विश्वास करा।”

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

1 कुरिन्थियों 15:22

कने तियां जे आदमा रिया वजह ने सारे मराँ ये, तियां इ मसीह च सब जिऊंदा कित्ते जाणे।

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

2 कुरिन्थियों 13:4

हलांकि मसीह कमजोर था ताहली जे तिस्सो क्रूसा पर लटकाया गया था, पर हुण सै परमेशरा रिया सामर्था रे जरिये जीवित आ। अहें कमजोर ये तियां जे मसीह था, पर तुहां देखणा भई अहां परमेशरा रिया सामर्था ने जीणा तियां जे मसीह जीवित आ।

गलातियां 2:20

हऊँ मसीह सौगी क्रूसा पर चढ़ाया गईरा, हुण हऊँ जिऊंदा निआं, पर मसीह माह च जिऊंदा; कने इस शरीरा च हुण हऊँ सै जिन्दगी जे जी कराँ, सै सिर्फ तिस विश्वासा ने जीवित आ सै जे परमेशरा रे पुत्रा पर आ, तिने जे माहने प्यार कित्या कने खुद अप्पूँजो मेरे खातर अर्पण कित्या।

1 थिस्सलुनीकियां 1:9

काँह्भई सै खुद अहांरे बारे च दस्सां ये भई तुहें अहांरा केढ़ा स्वागत कित्या था कने तुहें कियां मूर्तियां ते दूर हुईने परमेशरा खौ फिरे ताकि तुहें जीवित कने सच्चे परमेशरा री सेवा करो।

इब्रानियों 9:14

तां मसीह रा खून तिने जे अप्पूँजो अनन्त आत्मा रे जरिये परमेशरा रे सामणे निर्दोष बल़िया रे रुपा च चढ़ाया, तां अहां रिया अन्तरात्मा जो पापी कम्मां ते काँह नीं शुद्ध करगा? ताकि अहें जिऊंदा परमेशरा री सेवा करी सक्को।

1 यूहन्ना 4:9

सै प्यार जे परमेशरे अहांने रखया, सै इसते परगट हुया भई : तिने अपणे इक्को-इक पुत्रा जो संसारा च भेज्या, ताकि अहें तिसरे जरिये अनन्त जीवन पाओ।