यूहन्ना 6:2 - बिलासपुरी नौआं नियम

² कने लोकां री इक बड्डी भीड़ तिसरे पिच्छे चलीपी काँह्भई जो चमत्कार करने औल़े काम्म सै बमाराँ पर दस्सां था लोक तिन्हाजो देक्खां थे।

यूहन्ना 6:2 ပူးပေါင်းရင်းမြစ်များ

मत्ती 12:15

ये जाणीने यीशु ऊत्थीते चलिग्या। काफी लोक तिसरे पिच्छे चली पे, कने तिने सब्बीं जो चंगा कित्या,

मत्ती 13:2

कने लोकां री इतणी बड्डी भीड़ तिसले कट्ठी हुईगी, भई सै जाईने इक्की किश्तिया पर चढ़ीग्या, कने सारी भीड़ कनारे पर खढ़ी रैई।

मत्ती 14:14

यीशु ताहली जे किश्तिया चाते उतरी ने कनारे पर आया, तां तिने बौहत लोकां री भीड़ कट्ठी हुईरी देक्खी, तिस्सो तिन्हां पर तरस आया कने तिने बमार लोकां जो ठीक कित्या।

मत्ती 8:1

ताहली जे सै पहाड़ा ते थल्ले उतरया, तां इक बड्डी भीड़ तिसरे पिच्छे आईगी।

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

मरकुस 6:33

पर बौहत लोकें यीशुये जो जान्दे हुए देख्या कने जाणीगै भई सै किति जाया रां, इस खातर लोकें सब्बीं नगराँ ते कट्ठयां हुईने तित्थी जो पैदल इ दौड़ीगे कने यीशु कने तिसरे चेलेयां ते पैहले पुज्जीगे।

यूहन्ना 11:47

फेरी मुखियायाजकें कने फरीसियें महासभा सद्दी, कने बोल्या, “अहांजो क्या करना चाहिन्दा? ये माहणु बौहत सारे चमत्कारी नशाण दस्यारां।

यूहन्ना 12:18

बौहत सारे लोक यीशुये ने मिलणे खातर आये थे, काँह्भई तिन्हें इस चमत्कारा रे बारे च सुणया था।

यूहन्ना 12:37

यीशुये तिन्हांरे सामणे इतणे जादा चमत्कार दस्से, तां बी तिन्हे तिस पर विश्वास नीं कित्या;

यूहन्ना 2:11

यीशुये गलील जिले रे काना नगरा च ये पैहला नशाण दस्सीने अपणी महिमा परगट कित्ती कने तिसरे चेलयां तिस पर विश्वास कित्या।

यूहन्ना 2:23

ताहली जे यीशु यरूशलेम नगरा च फसह रे बगत त्योहारा च था, तां मतयां लोकें तिन्हां नशाणां जो जे सै दस्सां था देखीने तिस पर विश्वास कित्या।

यूहन्ना 20:30

यीशुये अपणयां चेलयां जो होर बी बौहत सारे अदभुत चमत्कार दस्से, सै जे इसा कताबा च नीं लिखिरे।

यूहन्ना 3:2

सै रात के बगत यीशुये ले आया कने बोल्या, गुरू जी, हऊँ जाणाँ भई तुहें परमेशरा रिया तरफा ते अहांजो सखाणे आईरे, काँह्भई सै चमत्कार जे तुहें दस्सां ए तिस्सो परमेशरा रिया सहायता ते बगैर कोई बी नीं दस्सी सकदा।

यूहन्ना 6:14

यीशुये रे इस चमत्कारा जो देखीने लोक बोलणे लगे, भई “सै भविष्यवक्ता जे इस संसारा च औणे औल़ा था, ये पक्का सैई हाया।”

यूहन्ना 6:22

दुज्जे दिन लोकां रिये तिसे भीड़े सै जे नदिया रे दुज्जे कण्डे खढ़िरे थे, ये देख्या भई तित्थी इक इ किश्ती थी कने यीशु अपणे चेलयां सौगी तिसा च नीं बैट्ठया था, पर सिर्फ तिसरे इ चेले गये थे।

यूहन्ना 6:26

यीशुये तिन्हांजो जबाब दित्या, भई “हऊँ तुहांजो सच्च बोलां, तुहें मेरे पिच्छे इस खातर नीं आये भई तुहें हैरान करने औल़े काम्म देखे, पर इस खातर आये भई तुहांजो खाणे जो रज्जीने रोटी मिली।

यूहन्ना 6:30

फेरी लोकें तिसने गलाया, “फेरी तू केढ़ा जेआ चमत्कार दसणा भई अहें तिन्हांजो देखीने तूह पर विश्वास करो?