यूहन्ना 5:7 - बिलासपुरी नौआं नियम

⁷ तिने रोगिये तिस्सो जबाब दित्या, “प्रभु जी, मेरले कोई माहणु निआं सै जे पाणिये रे हिलणे पर, मेरी कुण्डा च जाणे च मदद करा; पर ताहली जे हऊँ पाणिये च जाणे री कोशिश करां, तां मेरे जाणे ते पैहले कोई दुज्जा माहणु पाणिये च उतरी जां।”

यूहन्ना 5:7 ပူးပေါင်းရင်းမြစ်များ

यूहन्ना 5:2

यरूशलेम च भेड-फाटका ले इक कुण्ड आ सै जे इब्रानी भाषा च बैतहसदा नौआं ते जाणया जां; तिसरे कनारे पांज्ज बराण्डे बणीरे।

यूहन्ना 5:3

इन्हां बराण्डयां च बौहत सारे अन्हे, लंगड़े, बमार कने लकवे रे रोगी (पाणिये रे हिलणे रिया आशा च) पैईरे रैं थे।

यूहन्ना 5:4

काँह्भई इक येढ़ा बगत हुआं था ताहली जे परमेशरा रे स्वर्गदूत कुण्डा च आईने पाणिये जो हिलां थे। पाणिये रे हिल्दे इ पैहले सै जे कोई कुण्डा च उतराँ, सै अपणियां सारियां बमारियां ते ठीक हुई जां था, चाये तिसरी कोई बी बमारी काँह नीं ओ।

यूहन्ना 5:6

ताहली जे यीशुये तिस्सो देख्या कने तिसरे बारे च सारा हाल जाणीने भई ये कईयां साल्लां ते इसा हालता च पैईरा, तां तिने तिसते पुच्छया, “क्या तू ठीक हूणा चाँह?”

रोमियो 5:6

काँह्भई ताहली जे अहें अप्पूँजो बचाणे खातर असहाय थे, तां मसीह अहां पापी लोकां रे खातर तिस वगत मरया, जिस वगता जो जे परमेशरे चुणीरा था।

1 कुरिन्थियों 9:24

क्या तुहें नीं जाणदे भई दौड़ा च त सब दौड़ां ये, पर ईनाम इक्की जोई मिलां? इस खातर तुहें इयां दौड़ा भई ईनाम जित्तो।