यूहन्ना 5:5 - बिलासपुरी नौआं नियम

⁵ इन्हां रोगियां च इक येढ़ा रोगी बी था सै जे ठत्तियां साल्लां ते बमार पैईरा था।

यूहन्ना 5:5 ပူးပေါင်းရင်းမြစ်များ

मरकुस 9:21

यीशुये मुण्डुये रे पिता ते पुच्छया, “इसरी ये दशा कदुआं ते हुया रांई?” तिने गलाया, “बचपना ते।

लूका 13:16

ये जनाना त अब्राहमा रे कुल़ा तेई तिसौ जे शैताने ठारां साल्लां रे लम्बे बगता ते बन्हीने रखीरा था, क्या इसाजो तिसते छडवाणा यहूदियां रे विस्राम रे दिन जरूरी नीं था?”

लूका 8:43

तिसा भीड़ा च येढ़ि जनाना थी तिसाजो जे बारा साल्लां ते खून बैहणे री बमारी थी। तिसा जनाना ले सै जे किछ था सै सारा तिसे बैदां ले जाईने खर्ची दितिरा था, तां बी किसी ते ठीक नीं हुई थी।

यूहन्ना 5:14

इन्हां गल्लां ते बाद सै माहणु यीशुये जो मन्दरा च मिलया कने तिस्सो गलाया, “देख, हुण तू त ठीक हुईग्या; इस खातर दोबारा पाप देक्खां करदा, नैत किति येढ़ा नीं ओ भई कोई इसते बड्डी मुश्कल तूह पर आई जाओ।”

यूहन्ना 5:4

काँह्भई इक येढ़ा बगत हुआं था ताहली जे परमेशरा रे स्वर्गदूत कुण्डा च आईने पाणिये जो हिलां थे। पाणिये रे हिल्दे इ पैहले सै जे कोई कुण्डा च उतराँ, सै अपणियां सारियां बमारियां ते ठीक हुई जां था, चाये तिसरी कोई बी बमारी काँह नीं ओ।

यूहन्ना 5:6

ताहली जे यीशुये तिस्सो देख्या कने तिसरे बारे च सारा हाल जाणीने भई ये कईयां साल्लां ते इसा हालता च पैईरा, तां तिने तिसते पुच्छया, “क्या तू ठीक हूणा चाँह?”

यूहन्ना 9:1

ताहली जे यीशु अपणे चेलयां ने जाया रां था, तां तिने इक माहणुये जो देख्या, सै जे जन्मा ते अन्हा था।

यूहन्ना 9:21

पर अहें ये नीं जाणदे भई हुण ये कियां देक्खां? कने न त ये जाणाँ ये भई किने इस रियां आक्खीं च जोत पाई। इसते इ पुछी लवा; ये बड़ा सयाणा हुईगरा; अपणे बारे च ये खुद बोल्ली सक्कां।”

प्रेरितां 14:8

लुस्त्रा नगरा च इक माहणु बैठिरा था, तिसरे पैराँ च ताकत नीं थी। सै जन्मा तेई लंगड़ा था कने कदीं मनी चलीरा था।

प्रेरितां 3:2

कने लोक इक्की जन्मा रे लंगड़े माहणुये जो लयाया राँ थे। सै तिस्सो हर रोज़ मन्दरा रे तिस दरवाजे पर तिस्सो जे सुन्दर बोलां ये, बठाल़ी देयां थे भई सै मन्दरा च जाणे औल़यां ते भिख मंग्गो।

प्रेरितां 4:22

सै माहणु, तिस पर जे ठीक करने रा चमत्कारी नशाण दस्या था, चाल़ियां साल्लां ते जादा उम्रा रा था।

प्रेरितां 9:33

तित्थी तिस्सो एनियास नौआं रा इक माहणु मिलया सै जे लकवे रा रोगी था, कने अट्ठां साल्लां ते मंजे पईरा था।