यूहन्ना 5:39 - बिलासपुरी नौआं नियम

³⁹ तुहें पवित्रशास्त्रा च टोल़ां ये, काँह्भई तुहें समझां ये भई तिसच तुहांजो अनन्त जीवन मिलां, पर ये सारे पवित्रशास्त्र मेरी इ गवाही दें;

यूहन्ना 5:39 ပူးပေါင်းရင်းမြစ်များ

मत्ती 22:29

यीशुये तिन्हाजो जबाब दित्या, “तुहें पवित्रशास्त्रा कने परमेशरा रिया सामर्था जो नीं जाणदे; इसा वजह ने तुहें भूला च पैईरे।

मरकुस 10:3

यीशुये तिन्हांजो जवाब दित्या, “मूसे तुहांजो क्या हुक्म दित्तिरा?”

मरकुस 12:10

क्या तुहें पवित्रशास्त्रा च ये वचन नीं पढ़या : “‘तिस पत्थरा जो जे राज मिस्त्रीये बेकार समझया था, सैई मकाना रा खास पत्थर हुईग्या;

लूका 16:29

पर अब्राहमे तिसजो गलाया, तिन्हाले त मूसा कने भविष्यवक्तयां री कताबां इयां, सै तिन्हारी सुणो कने तिन्हांरा पालन करो।

लूका 16:31

पर अब्राहमे तिसजो गलाया, भई तां जे सै मूसा कने भविष्यवक्तयां रियां गल्लां रा पालन नीं करदे, तां जे मरीरेआं चा ते कोई जिऊंदा हुई जाओ, तां बी तिन्हां तिस पर विश्वास नीं करना।

लूका 24:25

यीशुये तिन्हां दुईं माहणुआं ने गलाया, “तुहें कितणे मूर्ख लोक ये! पवित्रशास्त्रा च भविष्यवक्तयां सै जे लिखिरा, तिस पर तुहांजो विश्वास करना कितना मुश्कल हुआं?

लूका 24:27

फेरी यीशुये मूसा ते कने सारे भविष्यवक्तयां ते शुरु करीने सारे पवित्रशास्त्रा चते अपणे बारे च लिखी रियां गल्लां रा मतलब, तिन्हांजो समझाईत्या।

लूका 24:44

फेरी यीशुये गलाया, “ताहली जे हऊँ तुहांजो इ था, तिस वगत मैं तुहांजो गलाया था भई मूसा री व्यवस्था कने भविष्यवक्तयां रियां कतावां च कने भजन संहिता च मेरे बारे च सै जे लिखिरा, सै सारी गल्लां पूरियां हुणियां।”

यूहन्ना 1:45

फिलिप्पुस जो नतनएल मिलया कने तिने तिसने गलाया, “तिसरे बारे च जे मूसे व्यवस्था च कने भविष्यवक्तयां बी लिखिरा, सै अहांजो मिलीग्या; सै यूसुफ रा पुत्र, नासरत रा रैहणे औल़ा यीशु आ।”

यूहन्ना 5:32

मेरिया तरफा ते गवाही देणे औल़ा इक होर आ, कने हऊँ जाणाँ भई सै जे मेरी गवाही देआं सै सच्ची।

यूहन्ना 5:36

पर मेरले सै जे गवाही सै यूहन्ने रिया गवाहिया ते बी बड्डी; काँह्भई सै काम्म जे पिता परमेशरे मिन्जो पूरा करने खातर सौंपीरा यनिके हऊँ तिन्हां इ कम्मां जो करी रां कने सैई काम्म मेरे गवाह ये भई पिता परमेशरे मिन्जो भेज्जिरा।

यूहन्ना 5:40

फेरी भीं तुहें अनन्त जीवन पाणे खातर मेरले नीं औणा चाहन्दे।

यूहन्ना 5:46

काँह्भई जे सच्चीजो तुहें मूसे पर विश्वास करदे, तां तुहें माह पर बी विश्वास करदे हुन्दे, इस खातर भई तिने मेरे बारे च लिखिरा।

यूहन्ना 7:52

तिन्हे तिसजो जबाब दित्या, “क्या तू बी गलीली आ? पवित्रशास्त्रा जो पढ़, तां तिज्जो पता चलना भई गलील प्रदेशा ते कदीं कोई भविष्यवक्ता नीं औणा।”

प्रेरितां 13:27

काँह्भई यरूशलेम च रैहणे औल़े कने तिन्हांरे सरदारें, नां यीशु मसीह जो पछयाणया कने नां भविष्यवक्ता रियां गल्लां समझियां, सै जे हर विस्रामा रे दिन पढ़ियां जाईयां, इस खातर तिस्सो दोषी ठहराईने तिन्हां गल्लां जो पूरा कित्या।

प्रेरितां 17:11

ये लोक त थिस्सलुनीके नगरा रे यहूदियां ते खरे थे, कने तिन्हें दिल लाईने वचन ग्रहण कित्या, कने हर रोज पवित्रशास्त्रा च टोलदे रै भई ये गल्लां येढ़ियां इ हईयां की नीं।

प्रेरितां 26:27

हे राजा अग्रिप्पा क्या तू भविष्यवक्तयां रा विश्वास कराँ? हाँ, हऊँ जाणाँ भई तू विश्वास कराँ।”

रोमियो 1:2

तिसरी पैहले तेई तिने अपणे भविष्यवक्तयां रे जरिये पवित्रशास्त्रा च,

रोमियो 3:2

हाँ, इसरी बौहत बड्डी कीमत इ। काँह्भई पैहले हत्थे परमेशरा रा बचन यहूदी लोकां जोई सौंपीरा।

कुलुस्सियां 3:16

मसीह रे वचना जो अपणे दिला च पूरे तरिके ने बसणे देआ, कने पूरे ज्ञाना समेत इक्की दुज्जे जो सखावा कने निर्देश देन्दे रौआ, कने अपणे मना च धन्यवाद सौगी परमेशरा खातर भजन, स्तुति कने आत्मा रे गीत गावा।

इब्रानियों 11:16

पर तिन्हें इक उत्तम यनि स्वर्गीय देशा च रैहणे री इच्छा कित्ती; इस खातर परमेशर तिन्हांरा परमेशर कहलाणे ते खुश था, काँह्भई परमेशरे तिन्हां खातर इक नगर त्यार कित्तिरा।

इब्रानियों 11:35

विश्वासा रे जरिये किछ जनानें अपणे मूईरयां रिस्तेदाराँ जो फेरी भीं जिऊंदा पाया। पर कितणे त विश्वासा जो नीं छडणे रिया वजह ते जेल्ला च मार खान्दे-खान्दे मरीगे कने जेल्ला ते अजाद नीं हूणा चाये, ताकि सै बौहत अच्छा जीवन पाई सक्को, ताहली जे सै मूईरयां चते जिऊंदा हुणे।

प्रकाशितवाक्य 19:10

फेरी तिसरी अराधना करने खातर हऊँ तिसरे पैराँ पर पैईग्या। तिने मेरने गलाया, “देख, येढ़ा मत करा! हऊँ तेरा कने तेरे साथी विश्वासियां साई इक दास इ हाया, सै जे यीशुये री गवाही देणे पर मजबूत आ। परमेशरा री अराधना कर; काँह्भई यीशु मसीह री गवाही भविष्यवाणिया री आत्मा इ।”