यूहन्ना 5:30 - बिलासपुरी नौआं नियम

³⁰ “हऊँ खुद अप्पूँ ते किछ मनी करी सकदा; पर हऊँ सै जे किछ परमेशरा ते सुणां, सिर्फ तिसरे इ मुतावक न्याय कराँ; कने मेरा न्याय सच्चा, काँह्भई हऊँ अपणिया इच्छा ते नीं बल्कि तिसरी इच्छा चाँह तिने जे हऊँ भेज्जिरा।

यूहन्ना 5:30 ပူးပေါင်းရင်းမြစ်များ

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

यूहन्ना 14:10

क्या तुहांजो ये विश्वास निआं भई हऊँ पिता ने सौगी आ कने पिता मेरे सौगी आ? सै जे बचन हऊँ तुहांजो बोलां सै हऊँ अपणे खा ते नीं बोलदा; पर पिता सै जे मेरे सौगी आ हर बगत अपणा काम्म करदा रैयां।

यूहन्ना 17:4

सै जे काम्म तैं मिन्जो करने जो दित्तिरे थे, तिन्हां सब्बीं जो पूरा करीने, संसारा च मैं तेरी महिमा कित्ती।

यूहन्ना 18:11

तां यीशुये पतरसा जो गलाया, “अपणिया तलवारा जो मयाना च रख: क्या हऊँ पीड़ा जो नीं सऊँ सै जे पिता परमेशरे मिन्जो दित्तिरी?”

यूहन्ना 4:34

यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 5:19

इस पर यीशुये तिन्हांजो गलाया, “हऊँ तुहांजो सच्चाई दस्सां, भई पुत्र यनि हऊँ खुद अपणे आप किछ मनी करी सकदा, सै सिर्फ तियां कराँ तेढ़ा जे सै पिता परमेशरा जो करदे देक्खां; काँह्भई तिन्हां-तिन्हां कम्मां जो जे सै कराँ तिन्हांजो हऊँ पुत्र बी तियां इ कराँ।

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

यूहन्ना 8:42

यीशुये तिन्हाजो जबाब दित्या, “जे परमेशर तुहांरा पिता हुन्दा, तां तुहें मेरने प्यार रखदे; काँह्भई हऊँ तुहांले परमेशरा रिया तरफा ते आईरा; हऊँ येत्थी अपणिया मर्जिया ने नीं आईरा, पर तिने मिन्जो भेज्जिरा।

यूहन्ना 8:50

हऊँ अपणे खातर आदर नीं चांह; इक हाया सै जे मिन्जो आदर देणा चांह, कने सै न्यायी बी आ सै जे न्याय कराँ।

रोमियो 15:3

येत्थी तक भई मसीहे बी खुद अप्पूँजो खुश नीं कित्या था, पर तियां जे भई मसीह रे बारे च पवित्रशास्त्र बोलां, “तेरी बेज्जति करने औल़े लोकें तेरी नीं पर मेरी बेज्जति कित्ती।”

रोमियो 2:2

कने हुण अहें जाणाँ ये भई परमेशर ठीक आ ताहली जे सै इस तरिके रे काम्म करने औल़यां जो सजा देआं।

रोमियो 2:5

पर तुहें पत्थर दिल कने पापी स्वभावा जो छडणा नीं चाहन्दे, येढ़ा करीने तुहें अपणिया सजा जो बधाया राँये कने ताहली जे परमेशरा रा सच्चा न्याय करने रा दिन औणा, तिस दिन परमेशरा तुहांजो बौहत भयानक सजा देणी।