यूहन्ना 5:28 - बिलासपुरी नौआं नियम

²⁸ इसते चम्भा नीं करा; काँह्भई सै बगत आई कराँ भई जितने मूईरे लोक ये, तिन्हां मेरा बचन सुणीने कब्रां ते बाहर निकल़ी औणा।

यूहन्ना 5:28 ပူးပေါင်းရင်းမြစ်များ

यूहन्ना 3:7

मेरिया बोल्ली रिया गल्ला पर चम्भा नीं कर भई ‘तिज्जो दोबारा जन्म लेणे पौणा।’

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

यूहन्ना 5:20

काँह्भई पिता परमेशर पुत्रा ने प्यार कराँ कने जितने काम्म जे सै खुद कराँ तिन्हां सारयां कम्मां जो सै तिस्सो दस्सां, कने पिता इन्हाते बी बड्डे काम्म तिस्सो दसणे, ताकि तुहें हैरान हुईजो।

यूहन्ना 5:25

“हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

प्रेरितां 24:15

कने परमेशरा ते आशा रखां तेढ़ी जे सै खुद बी रखां ये, भई धर्मिये कने अधर्मिये दुईं जो परमेशरा मौती ते जिऊंदा करना।

प्रेरितां 3:12

येढ़ा देखीने पतरसे लोकां जो गलाया, “इस्राएली लोको, तुहें इस माहणुये पर हैरान काँह हुये रायें? कने अहां खौ इयां काँह देख्या रायें। क्या तुहें येढ़ा सोच्चया राँये भई अहें इ अपणिया शक्तिया या भगतिया ते इस्सो चलने-फिरने लायक बणाया?

1 कुरिन्थियों 15:22

कने तियां जे आदमा रिया वजह ने सारे मराँ ये, तियां इ मसीह च सब जिऊंदा कित्ते जाणे।

फिलिप्पियां 3:21

अपणी तिसा सामर्था रे जरिये तिसाते जे सारियां चिज़ां जो सै अपणे बशा च करी लेआं, अहांरे कमजोर शरीरा जो बदली देणा ताकि सै तिसरे प्रतापी शरीरा साई हूणा।

प्रकाशितवाक्य 20:12

कने मैं तिन्हां मूईरयां जो सै जे छोट्टे या बड्डे थे, परमेशरा रे सामणे खढ़िरे देख्या, कने कताबां खोल्ली गईयां; फेरी इक होर कताब खोल्ली गई, यनि जीवना री किताब। मूईरयां रा न्याय तिन्हां कम्मां रे मुतावक हुया तियां जे तिन्हां कताबां च लिख्या हुया था।