यूहन्ना 5:26 - बिलासपुरी नौआं नियम

²⁶ काँह्भई जिसा रितिया ने पिता परमेशर अप्पूँ च जीवन रखां, तियां इ तिने पुत्रा जो बी ये अधिकार दित्या भई अप्पूँ च जीवन रक्खूँ;

यूहन्ना 5:26 ပူးပေါင်းရင်းမြစ်များ

यूहन्ना 1:4

ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

यूहन्ना 10:18

इस्सो माह्ते कोई लेन्दा निआं, पर हऊँ इस्सो अपणिया इच्छा ने देआं। मिन्जो अपणी जान देणे रा बी अधिकार आ, कने तिस्सो फेरी भीं लेणे रा बी अधिकार आ; ये हुक्म मिन्जो मेरे पिता परमेशरा ते मिलीरा।”

यूहन्ना 11:25

यीशुये तिसाने बोल्या, “हऊँ सै आ सै जे मूईरयां लोकां जो न्याय रे दिन जीवना च वापस लैई औवां; सै जे माह पर विश्वास कराँ, भले इ सै मरी जो, तिस जिऊंदा रैहणा,

यूहन्ना 11:26

कने सै जे कोई मांह च जीआं कने मांह पर विश्वास कराँ, तिस कदीं नीं मरना। मार्था क्या तू इसा गल्ला पर विश्वास कराँ इ?”

यूहन्ना 14:19

थोड़े बगता ते बाद, संसारा मिन्जो नीं देखणा, पर तुहां मिन्जो देखणा, तुहां जिऊंदेयां रैहणा काँह्भई हऊँ बी जिऊंदा।

यूहन्ना 14:6

यीशुये तिसजो गलाया, “हऊँ इ हाया सै जे लोकां जो अपणे पिता ले लेई जां, हऊँ तिन्हांजो तिसरे बारे च सच्चाई दस्सां, कने हऊँ इ तिन्हांजो अनन्त जीवन देआं, कोई बी मेरे बगैर पिता लौ नीं जाई सकदा।

यूहन्ना 4:10

यीशुये जबाब दित्या, “तू नीं जाणदी भई परमेशर तिज्जो क्या देणा चांह, कने तू नीं जाणदी भई कुण तेरते पाणी मंगया रां। जे तू जाणदी, तां तू माहते इस्सो मंगदी कने हऊँ तिज्जो जीवन देणे औल़ा पाणी देन्दा।”

यूहन्ना 6:57

बिल्कुल तियां इ जियां जे जिऊंदा पिते हऊँ भेज्जिरा कने हऊँ पिता परमेशरा रिया बजह ने जिऊंदा, तियां इ सै बी तिस जे हऊँ खाणा मेरिया बजह ते जिऊंदे रैहणा।

यूहन्ना 8:51

हऊँ तुहांजो सच्च बोल्लां भई जे कोई माहणु मेरियां सखाई रियां गल्लां रा पालन करगा, तिस कदीं नीं मरना।”

प्रेरितां 17:25

तिस्सो किसी चिज़ां री कमी नीं इस खातर तिस्सो माहणुआं रिया सहायता री जरूरत नीं, काँह्भई सैई सब्बीं जो जीवन कने सांस कने सब किछ देणे औल़ा।

1 कुरिन्थियों 15:45

पवित्रशास्त्रा च ये लिखिरा, “पैहला माहणु यनि आदम जिऊंदा प्राणी हुया” कने आखरी आदम यनि मसीह जीवन देणे औल़ी आत्मा हुया।

1 तिमुथियुस 1:17

हुण अनन्तकाल रा राजा, सै जे हमेशा रे खातर जिवित आ, तिस्सो जे कोई नीं देक्खी सकदा, तिस इकमात्र कने सच्चे परमेशरा रा आदर कने महिमा जुगां-जुगां तक हुंदी रौ। आमीन।

1 तिमुथियुस 6:16

कने सिर्फ सैई हाया सै जे हमेशा जिऊंदा रैयां, कने सै बौहत तेज ज्योतिया च रैयां भई कोई तिसरे नेड़े जाई नीं सकदा, कने नां तिस्सो किसी माहणुये देख्या कने नां कदीं देखी सक्कां। तिसरा आदर कने सामर्थ हमेशा रे खातर रैहणा। आमीन।

इब्रानियों 1:2

इन्हां दिनां रे आखिर च परमेशरे अहांने अपणे पुत्रा रे जरिये गल्लां कित्तियां, तिसजो जे परमेशरे सारियां चिज़ां रा बारस बणाया कने तिसरे जरिये जे परमेशरे सारे संसारा जो रचीरी।

प्रकाशितवाक्य 21:6

फेरी तिने मेरने बोल्या, “सब किछ पूरा हुईगरा। हऊँ अल्फा कने ओमेगा, शुरु कने अन्त आ। सै जे प्यासा, तिसजो मांह जीवना रे पाणिये रे सोते चते मुफ्त प्याणा।

प्रकाशितवाक्य 22:1

फेरी स्वर्गदूते मिन्जो बिल्लौर साई साफ जीवना रे पाणिये री इक नदी दस्सी, सै जे परमेशर कने मेमने रे संघासणा ते निकल़ीने,

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।

प्रकाशितवाक्य 7:17

काँह्भई मेमना सै जे संघासणा रे बिच आ, तिन्हांरी रखवाली करगा; कने तिस तिन्हांजो जिन्दगी देणे औल़े पाणिये रे सोते ला लेई जाया करना। कने परमेशरा तिन्हांरी आक्खीं ते सारे आँसू पुंजी देणे।”