यूहन्ना 5:25 - बिलासपुरी नौआं नियम

²⁵ “हऊँ तुहांजो सच्च बोलां भई सै बगत औणे औल़ा बल्कि आई चुक्कीरा, तिसच जे आत्मिक तरिके ने मूईरयां लोकां परमेशरा रे पुत्रा रा यनि मेरा बचन सुणना, कने सै जे सुणगे तिन्हां अनन्त जीवन पाणा।

यूहन्ना 5:25 ပူးပေါင်းရင်းမြစ်များ

लूका 15:24

काँह्भई मिन्जो येढ़ा लगया भई मेरा ये मुण्डु मरीगरा था, पर ये जिऊंदा। ये गवाच्छी गरा था, पर हुण मिलीग्या। कने सै नन्द करने लगे।

लूका 15:32

अहां ये खुशिया रा दिन मनाणा। काँह्भई तेरे भाईये रा घरें वापस औणा जिऊंदा हुणे रे बराबर आ। सै गवाच्छी गरा था, कने हुण सै घरौ वापस आईग्या।’ ”

लूका 9:60

यीशुये तिसने गलाया, “सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे, पर तू जाईने परमेशरा रे राज्जा रा प्रचार कर।”

यूहन्ना 13:1

फसह रे त्योहारा ते पैहले, यीशुये जाणील्या भई, सै बगत नेड़े आ ताहली जे तिस इस संसारा जो छड्डिने पिता परमेशरा लौ चली जाणा। तिने संसारा च सै जे तिसरे अपणे लोक थे कने सै जे तिसने प्यार कराँ थे, तिन्हांने बौहत सारा प्यार जताया।

यूहन्ना 17:1

यीशु अपणे चेलयां ने ये गल्लां बोलणे ते बाद, स्वर्गा खौ देखीने गलाणे लगया, “मेरे पिता सै वगत आईगरा अपणे पुत्रा री महिमा कर, इस खातर भई पुत्रा रे जरिये तेरी महिमा हो।

यूहन्ना 4:21

यीशुये तिसाजो गलाया, “ओ नारी, मेरिया गल्ला पर विश्वास कर भई सै बगत आईरां ताहली जे तुहां पिता री अराधना नांत इस पहाड़ा पर करनी, कने नांई यरूशलेम च करनी।

यूहन्ना 4:23

पर सै वगत आई चुक्कीरा, ताहली जे सच्चे भगत अहांरे पिता परमेशरा री अराधना आत्मा रिया अगुवाईया च सच्चाईया ने करगे, काँह्भई अहांरे पिता अपणे खातर येढ़े इ भगतां जो टोल़ां ये।

यूहन्ना 5:21

काँह्भई तियां जे पिता मूईरयां जो ठवाल़ीने तिन्हांजो नौंईं जिन्दगी देआं, तियां इ पुत्र बी तिन्हौं जे चाँह तिन्हौं जिन्दगी देआं।

यूहन्ना 5:28

इसते चम्भा नीं करा; काँह्भई सै बगत आई कराँ भई जितने मूईरे लोक ये, तिन्हां मेरा बचन सुणीने कब्रां ते बाहर निकल़ी औणा।

यूहन्ना 6:60

इस खातर तिसरे चेलयां चते कईयें इन्हां गल्लां जो सुणीने गलाया, भई “ये शिक्षा त बौहत मुश्कल इ, इस पर कुण विश्वास करी सक्कां?”

यूहन्ना 8:43

तुहें समझी नीं सकदे भई हऊँ क्या बोलीराँ? येढ़ा इस खातर आ काँह्भई तुहें मेरा सन्देश सुणने जो इन्कार कराँ ये।

यूहन्ना 8:47

सै जे परमेशरा रा माहणु आ, सै परमेशरा रियां गल्लां सुणां; कने तुहें इस खातर मेरियां गल्लां नीं सुणदे भई तुहें परमेशरा रे लोक नींये।”

यूहन्ना 9:27

तिने जबाब दित्या, “मैं तुहांजो दस्सी त दित्या, पर तुहें मेरी गल्ल सुणदे नींये; हुण दुज्जी बार काँह सुणना चांये? क्या तुहें बी तिसरे चेले बणना चांये?”

रोमियो 6:4

ताहली जे अहें बपतिस्मा लेआ था, तां अहें मसीह ने सौगी मारे गये थे कने गड्डे गये थे ताकि अहें इक नई जिन्दगी जी सक्को, तियां जे मसीह पिता परमेशरा रिया महिमा रे जरिये मूईरयां चते जिऊंदा हुया था।

इफिसियां 2:1

तुहें पैहले अपणयां अपराधां कने पापां रिया वजह ने आत्मिक रुपा च मरीगरे थे।

इफिसियां 2:5

ताहली जे अहें पापां रिया वजह ने आत्मिक रुपा च मूईरे थे, तां मसीह सौगी तिने अहांजो बी जिऊंदा कित्या (परमेशरा रे अनुग्रह तेई तुहांरा छुटकारा हुईरा।)

इफिसियां 5:14

इसा वजह ने लोक बोलां ये, “सौणे औल़या जाग कने मूईरेयां चते जिऊंदा हुई जा; तां मसीह री ज्योति तूह पर चमकणी।”

कुलुस्सियां 2:13

ताहली जे तुहें अपणे पापां च मुड़दा थे कने तुहें अपणे पापी स्वाभावा रिया शक्तिया ते अजाद नीं थे, फेरी परमेशरे तुहांजो मसीह सौगी जिऊंदा कित्या, कने अहांरे सारे अपराधां जो माफ कित्या,

प्रकाशितवाक्य 3:1

तिने बी मिन्जो बोल्या, “सरदीस नगरा रिया कलीसिया रे दूता जो ये सन्देश लिख: मेरले परमेशरा रियां सात्त आत्मां कने सात्त तारे, हऊँ तुहांजो ये बोलां भई हऊँ तेरयां कम्मां जो जाणाँ, भई तू जिऊंदेयां साई त दिखां, पर असल च तू मूईरा।