यूहन्ना 5:17 - बिलासपुरी नौआं नियम

¹⁷ इस पर यीशुये तिन्हाजो गलाया, “मेरा पिता परमेशर कदीं काम्म बन्द नीं करदा, इस खातर हऊँ बी लगातार काम्म कराँ।”

यूहन्ना 5:17 ပူးပေါင်းရင်းမြစ်များ

मत्ती 10:29

चिड़ियां रे बारे च सोच्चा, इन्हांरी कीमत इतणी घट इ भई इक्की पैसे च दो खरीदी जाई सक्कां इयां, फेरी बी परमेशरा रिया मर्जिया बगैर तिन्हां बिच्चा ते इक बी नीं मरी सकदी, काँह्भई सै सब किछ जाणाँ।

यूहन्ना 10:36

तां तिस्सो जे पिता पवित्र करीने संसारा च भेज्या, तुहें तिस्सो बोलां ये, ‘तू निंध्या करीराँ,’ इस खातर मैं गलाया, हऊँ परमेशरा रा पुत्र आ?

यूहन्ना 14:10

क्या तुहांजो ये विश्वास निआं भई हऊँ पिता ने सौगी आ कने पिता मेरे सौगी आ? सै जे बचन हऊँ तुहांजो बोलां सै हऊँ अपणे खा ते नीं बोलदा; पर पिता सै जे मेरे सौगी आ हर बगत अपणा काम्म करदा रैयां।

यूहन्ना 5:16

इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 5:18

इसा बजह ने यहूदी अगुवे तिसजो मारने री होर बी जादा कोशिश करने लगे, काँह्भई सै न सिर्फ विस्राम रे दिना री बिधिया जो तोड़ां, पर परमेशरा जो अपणा पिता बोलीने, अप्पूँजो तिसरे बराबर समझां था।

यूहन्ना 9:4

तिने जे हऊँ भेज्जिरा, अहांजो तिसरे काम्म दिनें-दिनें इ करी लेणा जरूरी आ; काँह्भई सै रात औणे औल़ी तिसच जे कोई काम्म नीं करी सकदा।

प्रेरितां 14:17

“तां बी परमेशरे अप्पूँजो बगैर गवाह ते नीं छडया पर सै भलाई करदा रैया, कने अम्बरा ते बरखा कने फल़ां औल़यां मौसमां जो देईने तुहांरे मना जो भोजन कने खुशिया ने भरदा रैया।”

प्रेरितां 17:28

काँह्भई अहें तिसच इ ज्यूंदे रैयां ये, कने चलां-फिराँ ये, कने टिकिरे रैयां ये; ठीक तियां इ जियां जे तुहांरे कितणेयां कवियें बी बोलीरा, ‘अहें तिसरे इ वंशा रे।’

1 कुरिन्थियों 12:6

कने प्रभावा औल़े काम्म कईयां किस्मा रे, पर परमेशर इक इ हाया, सै जे सब्बीं च हर किस्मा रा प्रभाव पैदा कराँ।

कुलुस्सियां 1:16

काँह्भई परमेशरे तिसरे इ जरिये सारिया सृष्टिया जो बणाया, स्वर्गा री ओ या धरतिया री, देखी या अणदेखी चीजां ओ, संघासण या राज ओ, राजा या अधिकारी ओ, सारा किछ तिसरे जरिये कने तिसरे इ खातर बणाया गईरा।

1 थिस्सलुनीकियां 2:13

कने इस खातर अहें परमेशरा रा धन्यवाद हमेशा करदे रैं, काँह्भई ताहली जे तुहें अहांते वचन सुणया, तां तिस्सो माहणुआं रिया खुशखबरिया रे रुपा च नीं, बल्कि परमेशरा रिया खुशखबरिया रे रुपा च ग्रहण कित्या; कने तियां जे सै सच्च आ, कने तुहां विश्वासियां पर तिसरा असर बी आ।

इब्रानियों 1:3

पुत्र इ तिसरिया महिमा रा तेज आ कने सै हर तरह ते परमेशरा साई आ, सैई अपणे सामर्था रे वचना ने सारी सृष्टिया जो सम्भाल़ां। सै लोकां रे पापां जो माफ करीने आदर कने अधिकारा रिया जगह सै जे स्वर्गा च पिता परमेशरा रे सज्जे पासे जाई बैट्ठीरा।