यूहन्ना 5:16 - बिलासपुरी नौआं नियम

¹⁶ इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 5:16 ပူးပေါင်းရင်းမြစ်များ

मत्ती 12:13

फेरी यीशुये तिस सुक्कीरे हत्था औल़े माहणुये ने गलाया, “अपणा हात्थ अग्गे कर।” कने तिने अपणा हात्थ अग्गे करित्या, फेरी तिसरा सुक्कीरा हात्थ तिसरे दुज्जे हत्था साई बिल्कुल ठीक हुईग्या।

मरकुस 3:6

फेरी फरीसी इकदम यहूदी सभा घरा ते बाहर जाईने राजा हेरोद रे समर्थकां सौगी मिलीने सलाह मशवरा करने लगे भई यीशुये जो कियां मारीये।

लूका 6:11

पर सै गुस्से च लाल पीले हुईगे कने इक दुज्जे जो गलाणे लगे भई अहें इस माहणुये जो कियां मारीये?

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 10:39

तां फेरी भीं तिन्हे तिस्सो पकड़ने री कोशिश कित्ती पर सै तिन्हांते दूर चलिग्या।

यूहन्ना 15:20

मेरी गलाई रियां गल्लां जो याद रखा भई ‘इक दास अपणे मालका ते बडा निआं।’ इस खातर जे तिन्हें मिन्जो सताया तां तिन्हां तुहांजो बी सताणा; जे तिन्हें मेरा उपदेश मन्नया, तां तिन्हां तुहांरियां गल्लां बी मनणियां।

यूहन्ना 5:10

सै विस्राम दिन था। इस खातर यहूदी अगुवे तिस ठीक हुईरे माहणुये जो गलाणे लगे, भई आज्ज त विस्राम दिन आ, “तिज्जो अजके दिन अपणिया चट्टाईया जो चकणे री इजाजत नीं।”

यूहन्ना 5:13

पर सै माहणु जे ठीक हुईरा था, सै नीं जाणदा था भई सै कुण आ, काँह्भई तिसा जगह मती भीड़ थी कने यीशु ऊत्थीते चुपचाप चलिग्या।

यूहन्ना 5:15

तिने माहणुये जाईने यहूदी अगुवेयां ने बोलित्या भई तिने जे हऊँ ठीक कित्या, सै यीशु आ।

यूहन्ना 5:17

इस पर यीशुये तिन्हाजो गलाया, “मेरा पिता परमेशर कदीं काम्म बन्द नीं करदा, इस खातर हऊँ बी लगातार काम्म कराँ।”

यूहन्ना 5:18

इसा बजह ने यहूदी अगुवे तिसजो मारने री होर बी जादा कोशिश करने लगे, काँह्भई सै न सिर्फ विस्राम रे दिना री बिधिया जो तोड़ां, पर परमेशरा जो अपणा पिता बोलीने, अप्पूँजो तिसरे बराबर समझां था।

यूहन्ना 7:21

यीशुये तिन्हांजो जबाब दित्या, “मैं इक काम्म कित्या कने तुहां सब्बीं जो हैरानी हुईगी।

यूहन्ना 7:25

फेरी यरूशलेम च रैहणे औल़े किछ लोक बोलणे लगे, “क्या ये सैई माहणु निआं, तिस्सो जे यहूदी अगुवे मारने रा जतन करी रायें?