यूहन्ना 5:15 - बिलासपुरी नौआं नियम

¹⁵ तिने माहणुये जाईने यहूदी अगुवेयां ने बोलित्या भई तिने जे हऊँ ठीक कित्या, सै यीशु आ।

यूहन्ना 5:15 ပူးပေါင်းရင်းမြစ်များ

मरकुस 1:45

तिसते बाद तिने सब्बीं लोकां जो दस्सीत्या भई यीशुये कियाँ तिस्सो रोगा ते ठीक कित्या, इस खातर यीशु लोकां रे सामणे गाँवां च नीं जाई सक्कया। तां सै गाँवां ते बाहर सुनसान जगह च रैहणे लगया, पर लोक तिस इलाके रे चऊँ पासयां ते तिसला जो औंदे रै।

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 4:29

“आईने, इक्की येढ़े माहणुये जो देक्खा, तिने मेरे बारे च बौहत सारियां गल्लां दस्सीत्या सै जे मैं किति रियां थी। किति येई मसीह त निआं?”

यूहन्ना 5:10

सै विस्राम दिन था। इस खातर यहूदी अगुवे तिस ठीक हुईरे माहणुये जो गलाणे लगे, भई आज्ज त विस्राम दिन आ, “तिज्जो अजके दिन अपणिया चट्टाईया जो चकणे री इजाजत नीं।”

यूहन्ना 5:12

तिन्हे लोकें तिसते पुच्छया, “सै कुण माहणु आ तिने जे तिज्जो गलाया, ‘चट्टाई चक्क कने चल फिर’?”

यूहन्ना 5:16

इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 5:18

इसा बजह ने यहूदी अगुवे तिसजो मारने री होर बी जादा कोशिश करने लगे, काँह्भई सै न सिर्फ विस्राम रे दिना री बिधिया जो तोड़ां, पर परमेशरा जो अपणा पिता बोलीने, अप्पूँजो तिसरे बराबर समझां था।

यूहन्ना 9:15

फेरी फरीसियें बी तिसते पुच्छया भई तैं आक्खीं री जोत कियां पाई? तिने तिन्हांने गलाया, “तिने मेरियां आक्खीं पर गीली मट्टी लाई, फेरी मैं धोई ली कने हुण हऊँ देक्खी सक्कां।”

यूहन्ना 9:25

तिने जबाब दित्या, “हऊँ नीं जाणदा भई सै पापी आ की नीं; हऊँ इक गल्ल जाणाँ भई हऊँ अन्हा था कने हुण देक्खी सक्कां।”

यूहन्ना 9:30

तिने तिन्हाजो जबाब दित्या, “येत हैरानिया री गल्ल इ भई तुहें नीं जाणदे भई ये किति रा, पर तिने मेरी आक्खीं ठीक कित्तियां।

यूहन्ना 9:34

तिन्हें तिसजो जबाब दित्या, “तू त तदका जे जम्मीरा तदका इ पापी आ, कने हुण तू अहांजो क्या सखाणे लगीरा?” कने तिन्हे तिसजो धक्के देईने यहूदी सभा घरा ते बाहर कड्डित्या।