यूहन्ना 5:10 - बिलासपुरी नौआं नियम

¹⁰ सै विस्राम दिन था। इस खातर यहूदी अगुवे तिस ठीक हुईरे माहणुये जो गलाणे लगे, भई आज्ज त विस्राम दिन आ, “तिज्जो अजके दिन अपणिया चट्टाईया जो चकणे री इजाजत नीं।”

यूहन्ना 5:10 ပူးပေါင်းရင်းမြစ်များ

मत्ती 12:10

ऊथी तिने इक येढ़ा माहणु देख्या, तिसरा जे सज्जा हात्थ सुकीगरा था। कने तिन्हें यीशुये पर दोष लगाणे रे खातर तिसते पुच्छया, भई क्या विस्राम रे दिन चंगा करना ठीक आ?

मरकुस 2:24

तां फरीसियें यीशुये ने गलाया, “देख; तेरे चेले विस्रामा रे दिन येढ़ा काम्म काँह कराँ ये सै जे मूसा रिया व्यवस्था रे मुतावक ठीक निआं?”

मरकुस 3:4

फेरी यीशुये फरीसियां ते पुच्छया, “क्या परमेशर अहांजो विस्राम रे दिन लोकां रा भला करने रा हुक्म देआं या बुरा करने रा? क्या सै अहांजो किसी री जिन्दगी बचाणे रा हुक्म देआं या तिसजो मारने रा?” पर सारे चुप रै।

लूका 13:14

इस खातर तिस यहूदी सभा घरा रा सरदार यीशुये जो गुस्से हुईग्या भई यीशुये विस्रामा रे दिन तिसा जनाना जो रोगा ते ठीक कित्या था, सै लोकां जो गलाणे लग्या, “हफते च तुहांजो काम्म करने खातर छे दिन दितिरे, तां इन्हां इ दिनां च ठीक हुणे खातर आई करा, पर विस्राम रे दिन नीं।”

लूका 23:56

सै अपणे घरौ गईयां कने यीशुये रे शरीरा पर मल़णे खातर खुशबुदार चिज़ां त्यार कित्या। पर तिस समाना जो त्यार करदे-करदे विस्राम रा दिन आईग्या, कने मूसा रिया व्यवस्था रे मुतावक तिन्हे सारा दिन विस्राम कित्या।

लूका 6:2

तिन्हाजो येढ़ा करदे देखीने किछ फरीसी यीशुये जो गलाणे लगे, “तुहें येढ़ा काम्म कजो कराँ ये सै जे अहांरे विस्राम रे दिन करना ठीक निआं?”

यूहन्ना 1:19

यूहन्ने री गवाही येई, भई ताहली जे यहूदी अगुवेयां यरूशलेम ते याजकां कने लेवियां जो तिसते ये पुछणे खातर भेज्या भई “तू कुण आ?”

यूहन्ना 5:11

इस पर तिने जबाब दित्या, भई “तिने जे हऊँ ठीक कित्या, तिने इ मिन्जो गलाया, ‘अपणी चट्टाई चक्क कने चल फिर।’ ”

यूहन्ना 5:15

तिने माहणुये जाईने यहूदी अगुवेयां ने बोलित्या भई तिने जे हऊँ ठीक कित्या, सै यीशु आ।

यूहन्ना 5:16

इसा बजह ने यहूदी अगुवे यीशुये जो तंग करने लगे, काँह्भई सै येढ़े काम्म विस्राम रे दिन कराँ था।

यूहन्ना 7:23

विस्राम दिना च माहणुये रा खतना इस खातर कित्या जां ताकि मूसे री व्यवस्था नीं टुट्टो, तां तुहें माह पर कजो इस खातर गुस्सा कराँ ये भई मैं विस्राम रे दिन इक्की माहणुये जो बिल्कुल ठीक कित्या?

यूहन्ना 9:16

इस पर किछ फरीसी बोलणे लगे, “ये माहणु परमेशरा रिया तरफा ते निआं काँह्भई सै विस्राम रे दिना रा पालन नीं करदा।” होरीं गलाया, “कोई पापी माहणु भला येढ़े चमत्कारा रे काम्म कियां करी सक्कां?” इसा गल्ला पर सै अप्पूँ बाटियें लड़ने लगे।