यूहन्ना 4:6 - बिलासपुरी नौआं नियम

⁶ कने याकूबे सै जे खूह बणाया था सै हुण तक तिसा इ जगह पर था। यीशु पैदल चली-चलीने थक्की गरा था इस खातर सै आईने खूआ ले इयां इ बैठिग्या। ये तिस बेले री गल्ल इ ताहली जे तकरीवन दपैहर हुई चुक्कीरे थे।

यूहन्ना 4:6 ပူးပေါင်းရင်းမြစ်များ

मत्ती 27:45

फेरी तिस सारे देशा च दपैहरा ते लेईने तिन्न बजे तक अन्धेरा इ छाईरा रैया।

मत्ती 4:2

चाल़ी दिन, कने चाल़ी रात तिने किछ नीं खाया, इसते बाद तिस्सो भूक्ख लगी।

मत्ती 8:24

कने देक्खा, नदिया च इक येढ़ा बड्डा तूफान आया भई किश्ती पाणिये रियां बौहत ऊच्ची छालियां ने डुबणे लगी; पर यीशु सुत्तीरा था।

लूका 2:7

कने तिसारे पहलौठे पुत्रा रा जन्‍म हुया कने तिसे अपणे न्याणे जो कपड़े च लपेटी ने इक्की गोयडा रिया खुरलिया च रखया, काँह्भई नगरा च तिन्हाजो किसी बी सराईं बिच रैहणे जो जगह नीं मिली थी।

लूका 9:58

यीशुये तिसने बोल्या, “गिदड़ियां जो रैहणे खातर दूहड़ कने हवा च उडणे औल़यां पंछियां जो रैहणे खातर आलणे हुआं ये, पर माहणुये रे पुत्रा जो आराम करने जो बी जगह नीं।”

यूहन्ना 11:9

यीशुये जबाब दित्या, “क्या इक्की दिना च बारा घण्टे नीं हुंदे? जे कोई दिना रे उजाले च चलो तां सै ठोकर नीं खांदा, काँह्भई सै सूरजा रिया लोई जो देखां।

यूहन्ना 4:12

तू अहांरे पूर्वज याकूब ते महान नीं हुई सकदा, तिने जे अहांजो ये खूह दित्या; कने तिने अपणे बच्चयां कने डंगरां सौगी खुद अप्पूँ बी इसरा पाणी पित्या?”

यूहन्ना 4:5

इस खातर सै सामरिया प्रदेशा रे इक नगर सूखार नगरा तक आया, ये नगर तिसा धरतिया ले था सै जे याकूबे अपणे मुण्डुये यूसुफा जो दित्तिरी थी;

यूहन्ना 4:7

इतणे वगता च इक सामरी जनाना पाणी भरने आई। यीशुये तिसाजो गलाया, “मिन्जो पीणे जो किछ पाणी दे।”

2 कुरिन्थियों 8:9

काँह्भई अहांरे प्रभु यीशु मसीह रे अनुग्रह जो तुहें जाणाँ ये; भई सै अमीर हुन्दे हुये बी तुहांरे खातर गरीब बणीग्या, ताकि तिसरिया गरीबिया ते तुहें अमीर बणी जो।

इब्रानियों 2:17

इस वजह ते मसीह यीशुये जो सब्बीं गल्लां च माणुआं साई बणना जरूरी था; ताकि सारयां रे पापां खातर सै प्रायश्चित बल़ि हुणे रे खातर परमेशरा रे सामणे दयालु कने विश्वास लायक महायाजक बणो।

इब्रानियों 4:15

काँह्भई यीशु मसीह सै जे अहांरा महायाजक आ सै अहां री हरेक कमजोरिया जो समझां; काँह्भई सै सब्बीं गल्लां च अहां साई शैतान्ना रे जरिये परखया गया, पर तिने कोई पाप नीं कित्या।