यूहन्ना 4:46 - बिलासपुरी नौआं नियम

⁴⁶ फेरी सै भीं ते गलील रे काना नगरा च गया, तित्थी जे तिने पाणिये जो दाखरस बणाया था। इस बार तित्थी राजे रा इक कर्मचारी था तिसरा मुण्डु जे कफरनहूम नगरा च बमार था।

यूहन्ना 4:46 ပူးပေါင်းရင်းမြစ်များ

मत्ती 15:22

तित्थी री इक कनानी जनाना आई कने चिल्लाणे लगी, “हे प्रभु! दाऊद रे वंशज, माह पर दया कर! मेरिया कुड़िया पर बुरीआत्मा बुरे तरिके ने स्वार हुईरा।”

मत्ती 4:13

कने सै नासरत जो छड्डिने कफरनहूम रे तिस इलाके च गया सै जे गलील दरयावा रे कनारे बसीरा था, तित्थी जे जबूलून कने नप्ताली गोत्राँ रे लोक रैयां थे।

मत्ती 9:18

यीशु तिन्हां लोकां जो ताहली जे ये गल्लां बोल्या इ कराँ था, भई यहूदियां रा इक मुखिया तिसले आया कने तिसले झुकीने विनती करदे हुये गलाया, “मेरी कुड़ी येब्बां इ मरी! तू चल्लीने जे तिसा पर अपणा हात्थ रखी दो, तां सै भीं ते ज्यून्दी हुई जाणी।”

लूका 4:23

फेरी यीशुये तिन्हाजो गलाया, “शायद तुहां मेरे ऊपर ये कहावत जरूर बोलणी, भई बैद अप्पूँजो ठीक कर! कने जो किछ अहें सुणया भई जिस तरिके ने जे तैं कफरनहूम नगरा च सामर्था रे काम्म कित्ते, तिस तरिके ने येत्थी अपणे नगरा च काँह नीं करदा?

लूका 7:2

कने किसी सुबेदारा रा इक दास था, सै जे तिसजो बड़ा प्यारा था, बमारिया रिया वजह ने मरने औल़ा था।

लूका 8:42

काँह्भई तिसरी सै जे बाराँ साल्लां री इको-इक कुड़ी थी, सै मरने औल़ी थी। ताहली जे यीशु तिस सौगी गया, तां लोक तिस पर पैईराँ थे।

यूहन्ना 2:12

इसते बाद यीशु कने तिसरी माता, तिसरे भाई कने तिसरे चेले कफरनहूम नगरा जो गये कने तित्थी किछ दिन रुके।

यूहन्ना 21:2

शमौन पतरस, थोमा यनि दिदुमुस (तिस्सो जे जुड़वा बोलां ये), गलील जिले रे काना गाँवां रा नतनएल, कने जब्दिये रे दोन्नों पुत्र कने यीशुये रे चेलयां चते दो होर चेले तित्थी नदिया रे कनारे पर कट्ठे थे।