यूहन्ना 4:41 - बिलासपुरी नौआं नियम

⁴¹ कने तिसरयां बचनां ते प्रभावित हुईने होर मतयां सारयां लोकें तिस पर विश्वास कित्या,

यूहन्ना 4:41 ပူးပေါင်းရင်းမြစ်များ

लूका 4:32

सै तिसरे उपदेशा जो सुणीने हैरान हुईगे, काँह्भई तिसरा वचन अधिकारा सौगी था।

यूहन्ना 4:40

फेरी ताहली जे ये सामरी तिसले आये, तां तिन्हे तिसते रुकणे खातर बिनती किति, कने सै तिन्हाले दो दिन तक रुकया।

यूहन्ना 4:42

तिन्हे तिसा जनाना ने गलाया, “हुण अहें सिर्फ तेरे बोलणे तेई विश्वास नीं करदे; काँह्भई अहें अप्पूँ इ तिस्सो सुणील्या कने हुण अहें ये जाणीगे भई सच्ची जो येई हाया सै जे संसारा रा छुटकारा करने औल़ा।”

यूहन्ना 6:63

परमेशरा रा आत्मा त जीवन देणे औल़ा, शरीरा ते कोई फैदा निआं; सै गल्लां जे मैं तुहांजो गलाईयां सै पवित्र आत्मा ते औईयां, कने लोकां जो जीवन देईयां।

यूहन्ना 7:46

पैहरेदारें जबाब दित्या, भई “किन्हिये माहणुये कदीं येढ़ियां गल्लां नीं कित्तियां तियां जे सै माहणु बोल्लां।”

प्रेरितां 1:8

पर तां जे पवित्र आत्मा तुहांले औणा तां तुहांजो सामर्थ मिलणी; कने यरूशलेम नगर कने सारे यहूदिया कने सामरिया प्रदेशा च कने सारे संसारा च मेरे गवाह हुणे।”

प्रेरितां 15:3

कलीसिया रे लोकें रोटी कने पैसा देईने तिन्हांरी यात्रा च जाणे जो मदद कित्ती; कने सै फीनीके कने सामरिया प्रदेशा चियें हुंदे हुये किस तरिके ने अन्यजातियां रे लोक खुशखबरी सुणीने यीशु मसीह पर विश्वास करी राँये ये खबर सुणान्दे रै, कने ये सुणीने सब विश्वासी बौहत खुश हुये।

प्रेरितां 8:12

पर ताहली जे लोकें परमेशरा रे राज्जा कने यीशु मसीह रे नौआं री खुशखबरिया च फिलिप्पुस रा सन्देश सुणीने विश्वास कित्या, जनाना कने मर्द दुईं ही बपतिस्मा लेआ।

प्रेरितां 8:25

इस खातर सै गवाही देईने कने प्रभुये रा वचन सुणाईने यरूशलेम नगरा जो वापस हुन्दे वगत, तिन्हें सामरिया प्रदेशा रे कई गाँवां च खुशखबरी सुणाई।

इब्रानियों 4:13

सृष्टिया री कोई बी चीज़ परमेशरा रिया नज़राँ ते छिपीरी नीं, पर तिसरे सामणे सारी चीजां खुल्ही कने प्रगट इ। कने अहें अपणी जिन्दगिया च जो किछ कित्तिरा तिसरा हिसाब अहांजो परमेशरा ले देणे पौणा।