यूहन्ना 4:38 - बिलासपुरी नौआं नियम

³⁸ तिज्जो मैं तिस खेता रिया फसला बढणे जो भेज्या, तिसच जे तैं मेहणत नीं कित्तिरी : होरीं तिसच मेहणत कित्ती कने तुहें तिसरिया मेहणता रे फल़ा च हिस्सेदार हुये।”

यूहन्ना 4:38 ပူးပေါင်းရင်းမြစ်များ

मत्ती 4:23

यीशु सारे गलील प्रदेशा च फिरदा हुआ तिन्हां रयां यहूदी सभा घराँ च उपदेश करदा कने स्वर्ग राज्जा री खुशखबरिया रा प्रचार करदा, कने हरेक किस्मा री बमारी कने कमजोरियां जो दूर करदा रैया।

यूहन्ना 1:7

सै गवाह बणीने आया भई सै लोकां जो ज्योतिया रे बारे च गवाही देई सक्को, ताकि सारे लोक तिसरे जरिये तिस पर विश्वास करी सक्को।

यूहन्ना 17:18

तियां जे तैं मिन्जो इस संसारा च भेज्या, तियां इ मैं बी तिन्हांजो इस संसारा च भेज्जीरा।

यूहन्ना 4:37

काँह्भई इत्थी ये कहावत ठीक बैठीराँ ई: बाहणे औल़ा कोई होर आ कने बढणे औल़ा कोई होर।

यूहन्ना 4:39

तिस नगरा रे कई सामरियें तिसा जनाना रे गलाणे पर यीशुये पर विश्वास कित्या, तिसे ये गवाही दित्ति थी, भई तिने मेरिया जिन्दगिया रे बारे च बौहत सारियां गल्लां दस्सी तियां जो किछ मैं कित्तिरा था।

प्रेरितां 2:41

इस खातर तिन्हें लोकें जे पतरसा रा वचन सुणीने ग्रहण कित्या तिने बपतिस्मा लेआ; कने तिस दिन लगभग तिन्न हज़ार माहणु विश्वासियां रे समूहा च शामिल हुईगे।

प्रेरितां 4:32

विश्वास करने औल़यां री मण्डली इक चित कने इक्की मना री थी, येत्थी तका भई कोई बी अपणी धन सम्पतिया जो अपणा नीं बोलदा था, पर सब किछ सांझा था।

प्रेरितां 4:4

पर वचना रे सुणने औल़यां चते बौहतीं यीशुये पर विश्वास कित्या, कने तिन्हांरी गिणती तकरीवन पांज्ज हज़ार माहणुआं च हुईगी।

प्रेरितां 5:14

प्रभुये पर विश्वास करने औल़यां री संख्या बधदी गई। मर्द कने जनानां रा इक बड्डा समूह बणीग्या।

प्रेरितां 6:7

परमेशरा रा वचन फैलदा गया कने यरूशलेम च चेलयां री गिणती बौहत बधदी गई; कने बौहत सारे यहूदी याजकें यीशु मसीह पर विश्वास कित्या।

2 कुरिन्थियों 10:15

अहें सै काम्म जे दुज्यां कित्तिरा तिसरे बारे च घमण्ड नीं करदे, तियां जे भई अहें खुद सै काम्म कित्तिरे। पर अहांरी आशा येई भई तियां-तियां जे तुहांरा विश्वास बधदा जाणा, तियां इ तुहांरे बिच अहांरे अपणे कम्मां री सीमा बौहत बधणी,