यूहन्ना 4:34 - बिलासपुरी नौआं नियम

³⁴ यीशुये तिन्हांजो गलाया, “मेरा खाणा तिस परमेशरा रिया इच्छा रा पालन करना हया तिने जे मिन्जो भेज्जिरा, कने तिसरे कम्मा जो पूरा करना सै जे तिने मिन्जो सौंपीरा।

यूहन्ना 4:34 ပူးပေါင်းရင်းမြစ်များ

मत्ती 26:39

फेरी थोड़ा अग्गे खिसकणे ते बाद सै मुँआं रे भार पैईने, प्राथना करने लगया, “हे मेरे पिता, जे हुई सक्को तां माह पर ये दुख नीं औणे दे, तां बी तेढ़ा जे हऊँ चाँह तेढ़ा नीं, पर तियां जे तू चाँह तियां इ ओ।”

मत्ती 3:15

यीशुये तिस्सो ये जबाब दित्या, “हुण तू येढ़ा इ हुणे दे, काँह्भई सै जे परमेशर चाँह तिस्सो पूरा करने खातर अहांजो येई करना ठीक आ।” फेरी यूहन्ने तिसरी गल्ल मन्नी ली।

मत्ती 9:19

यीशु उट्ठीने अपणे चेलयां ने तिस सौगी चलीप्या।

लूका 15:10

इस इ तरिके ने, जे इक पापी बी अपणे पापां ते मन फिराओ, तां स्वर्गा च परमेशरा रे स्वर्गदूतां तिसरे खातर खुशी मनाणी।”

लूका 19:10

काँह्भई, माहणुये रा पुत्र यनि हऊँ परमेशरा ते दूर हुईगरे लोकां जो अनन्त सजा ते बचाणे, कने तिन्हारा छुटकारा करने आईरा।”

लूका 2:49

फेरी यीशुये तिन्हाजो गलाया, “तुहें मिन्जो कजो टोल़ी कराँ थे? क्या तुहांजो येढ़ा पता निआं भई मेरा अपणे पिता रे घरें हूणा जरूरी आ?”

यूहन्ना 17:4

सै जे काम्म तैं मिन्जो करने जो दित्तिरे थे, तिन्हां सब्बीं जो पूरा करीने, संसारा च मैं तेरी महिमा कित्ती।

यूहन्ना 19:28

इसते बाद तंजे यीशुये जो पता लगीग्या भई तिसरा सारा काम्म पूरा हुईग्या, इसी खातर बी भई पवित्रशास्त्रा री गल्ल पूरी हो तिने बोल्या, मिन्जो ध्याय लगीरी,

यूहन्ना 19:30

फेरी तंजे यीशुये तिसजो चखीने बोल्या भई “सब किछ पूरा हुआ।” तां तिने अपणा सिर थल्ले खौ कित्या कने प्राण छड्डीते।

यूहन्ना 4:32

पर यीशुये तिन्हांते गलाया, “खाणे रे खातर मेरेले सै रोटी, तिसरे बारे च जे तुहें नीं जाणदे।”

यूहन्ना 5:30

“हऊँ खुद अप्पूँ ते किछ मनी करी सकदा; पर हऊँ सै जे किछ परमेशरा ते सुणां, सिर्फ तिसरे इ मुतावक न्याय कराँ; कने मेरा न्याय सच्चा, काँह्भई हऊँ अपणिया इच्छा ते नीं बल्कि तिसरी इच्छा चाँह तिने जे हऊँ भेज्जिरा।

यूहन्ना 5:36

पर मेरले सै जे गवाही सै यूहन्ने रिया गवाहिया ते बी बड्डी; काँह्भई सै काम्म जे पिता परमेशरे मिन्जो पूरा करने खातर सौंपीरा यनिके हऊँ तिन्हां इ कम्मां जो करी रां कने सैई काम्म मेरे गवाह ये भई पिता परमेशरे मिन्जो भेज्जिरा।

यूहन्ना 6:33

काँह्भई परमेशरा री रोटी सैई, सै जे स्वर्गा ते उतरी ने संसारा रे लोकां जो जीवन देईं।”

यूहन्ना 6:38

काँह्भई हऊँ स्वर्गा ते इस खातर नीं आईरा, भई अपणी इच्छा पूरी करूँ, पर हऊँ इस खातर आईरा भई अपणे भेजणे औल़े परमेशरा री इच्छा जो पूरा करूँ।

यूहन्ना 8:29

कने मेरा भेजणे औल़ा मेरे कन्ने आ; तिने हऊँ सुनसान जगह च नीं छड्डीरा, काँह्भई हऊँ सदा सैई काम्म कराँ तिसते जे मेरा पिता खुश हुआं।”

प्रेरितां 20:35

मैं तुहांजो सब किछ करीने दस्या भई इयां-इयां मेहणत करीने कमजोराँ जो संभाल़णा कने प्रभु यीशुये रे वचन याद रखणे जरूरी ये, सै जे तिने अप्पूँ इ बोलीरा : ‘परमेशर अहांजो बौहत आशीष देआं ताहली जे अहें अपणे खातर लेणे रे बजाय दुज्जेयां जो दें।’ ”

इब्रानियों 12:2

सै जे अहांजो विश्वासा रिया तरफा लेई जां कने अहांरे विश्वासा जो सिद्ध करने औल़े यीशुये रिया तरफा देखदे रैं। तिने जे तिसा खुशिया खातर सै जे औणे औल़े दिनां च मिलणे औल़ी थी, बेज्जतिया री परवाह नीं करीने क्रूसा री मौत सही ली, कने परमेशरा रे संघासणा रे सज्जे पासे आदरा रिया जगह जाई बैट्ठया।