यूहन्ना 4:3 - बिलासपुरी नौआं नियम

³ तां सै यहूदिया प्रदेशा जो छड्डिने बापस अपणयां चेलयां सौगी गलील प्रदेशा जो चलिग्या,

यूहन्ना 4:3 ပူးပေါင်းရင်းမြစ်များ

मत्ती 10:23

ताहली जे सै तुहांजो इक्की नगरा च सताणे लगो, तां दुज्जे नगरा जो चली जायों। हऊँ तुहांजो सच्च बोलां भई तुहें माहणुये रे पुत्रा रे औणे ते पैहले इस्राएल रे सारे नगराँ चियें गये बी नीं हुणे।

मरकुस 3:7

इसते बाद यीशु अपणयां चेलयां सौगी गलील दरयावा री तरफ चलीप्या कने गलील जिले ते इक बड्डी भीड़ तिसरे पिछे चलीपी।

लूका 17:11

यीशु अपणे चेलयां सौगी यरूशलेम नगरा जो जान्दे हुये, सामरिया कने गलील प्रदेशा रे बन्ने चींये जाया राँ था।

यूहन्ना 1:43

अगले दिन यीशुये गलील प्रदेशा च जाणे रा निश्चा कित्या। सै फिलिप्पुस ने मिलया कने गलाया, “मेरे पिच्छे चली औ।”

यूहन्ना 10:40

फेरी यीशु यरदन नदिया पार चलिग्या, तिसा जगह जे यूहन्ना पैहले बपतिस्मा देआं था, कने तित्थी रैया।

यूहन्ना 11:54

फेरी यीशुये तिस बगता ते यहूदियां रे सामणे खुल्लेआम औणा जाणा बन्द करित्या, फेरी सै सुनसान इलाके च एप्रैम गाँवां जो चलिग्या; कने अपणयां चेलयां सौगी तित्थी रैहणे लगया।

यूहन्ना 2:11

यीशुये गलील जिले रे काना नगरा च ये पैहला नशाण दस्सीने अपणी महिमा परगट कित्ती कने तिसरे चेलयां तिस पर विश्वास कित्या।

यूहन्ना 3:22

इसते बाद यीशु अपणे चेलयां सौगी यहूदिया प्रदेशा च आए; कने तित्थी सै तिन्हां सौगी रैईने लोकां जो बपतिस्मा देणे लगया।

यूहन्ना 3:32

तिने सै जे किछ देख्या, कने सुणया, सै तिसरी गवाही देआं, पर बड़े घट लोक तिसरे सन्देशा जो ग्रहण करां ये।

यूहन्ना 4:47

सै ये सुणीने भई यीशु यहूदिया जिले ते गलील जिले च बापस आईगरा, सै तिसले काना नगरा च गया कने बिनती करने लगया भई चल्लीने मेरे मुण्डुये जो ठीक करी दे : काँह्भई सै मरने जो हुईगरा था।

यूहन्ना 7:1

इन्हां गल्लां ते बाद यीशु गलील प्रदेशा च घुमदा रैया; काँह्भई यहूदी अगुवे तिस्सो मारने रा जतन करीराँ थे, इस खातर सै यहूदिया प्रदेशा च घुमणा नीं चाहन्दा था।