यूहन्ना 4:29 - बिलासपुरी नौआं नियम

²⁹ “आईने, इक्की येढ़े माहणुये जो देक्खा, तिने मेरे बारे च बौहत सारियां गल्लां दस्सीत्या सै जे मैं किति रियां थी। किति येई मसीह त निआं?”

यूहन्ना 4:29 ပူးပေါင်းရင်းမြစ်များ

मत्ती 12:23

इस पर सारे लोक हैरान हुईने बोलणे लगे, “क्या ये माहणु दाऊद रा वंशज हुई सक्कां?”

यूहन्ना 4:25

जनाने तिसने गलाया, “हऊँ जाणाँ इ भई मसीह सै जे परमेशरा रा अभिषिक्त माहणु कहलाया जां, औणे औल़ा; ताहली जे सै औंगा, तां तिस अहां जो सारियां गल्लां दसणियां।”

यूहन्ना 4:28

फेरी सै जनाना अपणा घड़ा तिसा जगह छड्डिने गाँवां जो बापस चलीगी, कने लोकां ने बोलणे लगी,

यूहन्ना 4:30

इस पर लोक नगरा ते निकल़ीने यीशुये जो देखणे औणे लगे।

यूहन्ना 4:39

तिस नगरा रे कई सामरियें तिसा जनाना रे गलाणे पर यीशुये पर विश्वास कित्या, तिसे ये गवाही दित्ति थी, भई तिने मेरिया जिन्दगिया रे बारे च बौहत सारियां गल्लां दस्सी तियां जो किछ मैं कित्तिरा था।

यूहन्ना 7:26

मगर देक्खा, सै त सारयां लोकां ने निधड़क गलाई बोलीराँ कने कोई तिसजो किछ नीं गलाईरां। क्या यहूदी अगुवेयां सच्चीजो जाणील्या भई येई मसीह आ?

यूहन्ना 7:31

फेरी भीं भीड़ा चते बौहत लोकें तिस पर विश्वास कित्या कने बोलणे लगे, “मसीहे ताहली जे औणा तां तिस क्या इसते बी जादा चमत्कारी नशाण दसणे सै जे इने दस्से?”

प्रकाशितवाक्य 22:17

कने परमेशरा रा आत्मा कने दुल्हन दोन्नो बोलां ये, “औ!” कने सुणने औल़ा बी बोल्लो, “औ!” कने सै जे प्यासा हो, सै आओ कने सै जे कोई चाओ, सै जीवना रा पाणी मुफ्ता च लेओ।