यूहन्ना 4:15 - बिलासपुरी नौआं नियम

¹⁵ फेरी तिसे जनाने तिसने गलाया, “प्रभु जी, सै जल मिन्जो दे ताकि हऊँ फेरी कदीं प्यासी नीं रऊँ कने नांई मिन्जो इतणे दूर पाणी भरने जो औणे पौ।”

यूहन्ना 4:15 ပူးပေါင်းရင်းမြစ်များ

यूहन्ना 4:16

इस पर यीशुये तिसाजो गलाया, “जा अपणे घरा-औल़े जो सद्दीने इत्थी लीऔ।”

यूहन्ना 6:26

यीशुये तिन्हांजो जबाब दित्या, भई “हऊँ तुहांजो सच्च बोलां, तुहें मेरे पिच्छे इस खातर नीं आये भई तुहें हैरान करने औल़े काम्म देखे, पर इस खातर आये भई तुहांजो खाणे जो रज्जीने रोटी मिली।

यूहन्ना 6:34

फेरी तिन्हें तिसने गलाया, “प्रभु जी, ये रोटी अहांजो हमेशा देआ कर।”

यूहन्ना 6:35

यीशुये तिन्हांने गलाया, “जीवना री रोटी हऊँ इ : सै जे मेरले औंगा तिस कदीं भूखे नीं रैहणा कने सै जे माह पर विश्वास करगा, तिस कदीं प्यासे नीं हूणा।

रोमियो 6:23

काँह्भई पापा री मजदूरी त मौत इ, पर परमेशरा रा बरदान अहांरे प्रभु मसीह यीशुये च अनन्त जीवन आ।

रोमियो 8:5

सै लोक जे पापी स्वभावा रे मुतावक चलां ये सै पापा रे बारे च सोच्चां ये, पर सै लोक जे पवित्र आत्मा रे मुतावक जीवन जींये सै आत्मिक गल्लां रे बारे ची सोच्चां ये।

1 कुरिन्थियों 2:14

पर तिस माहणुये ले जे पवित्र आत्मा नींआ सै परमेशरा रे आत्मा रियां गल्लां ग्रहण नीं करदा, काँह्भई सै तिसरियां नज़राँ च मूर्खता रियां गल्लां इयां, कने सै तिन्हांजो नीं जाणी सक्कां, काँह्भई तिन्हांरी परख आत्मिक रितिया ने हुआं इ।

याकूब 4:3

तुहें मंगणे पर पान्दे इस खातर नींये, काँह्भई गल़त इरादे ने मंगां ये, ताकि सिर्फ अपणियां इच्छां जो पूरा करी सक्को।

1 यूहन्ना 5:20

पर अहांजो पता भई परमेशरा रा पुत्र यीशु मसीह संसारा च आईरा कने तिने अहांजो ये समझाईतरा भई अहें तिस सच्चे परमेशरा जो पछयाणी लो; कने अहें तिस चे सै जे सच्चा, यनि तिसरे पुत्र यीशु मसीह च रैं, सैई सच्चा परमेशर कने अनन्त जीवन आ।