यूहन्ना 3:36 - बिलासपुरी नौआं नियम

³⁶ इस खातर सै जे कोई परमेशरा रे पुत्रा पर विश्वास करां, तिसजो इ अनन्त जीवन मिलणा; पर सै माहणु जे परमेशरा रे पुत्रा री गल्ल नीं मनदा, तिस्सो अनन्त जीवन नीं मिलणा, पर परमेशरा तिसजो अनन्त काल री सजा देणी।”

यूहन्ना 3:36 ပူးပေါင်းရင်းမြစ်များ

मत्ती 25:46

फेरी इन्हां बुरयां लोकां अनन्त काल री सजा भुगतणी कने धर्मी लोकां अनन्त काल री जिन्दगी पाणी।”

मरकुस 16:16

सै जे विश्वास करो कने बपतिस्मा लओ तिसरा इ छुटकारा हूणा, पर सै जे विश्वास नीं करगा सै दोषी समझया जाणा;

लूका 2:30

काँह्भई तियां जे तैं मेरने वादा कित्तिरा था, तिसरे मुतावक मैं तेरे छुटकारा देणे औल़े जो देखीलरा,

लूका 3:6

कने हर माहणुये परमेशरा रे दित्तिरे छुटकारे जो देखणा।”

यूहन्ना 1:12

पर जितणयां जे तिस्सो ग्रहण कित्या, तिने तिन्हांजो परमेशरा री सन्तान हुणे रा अधिकार दित्या, यनिके तिन्हांजो सै जे तिस पर विश्वास रखां ये।

यूहन्ना 10:28

कने माह तिन्हाजो अनन्त जीवन देणा। कने सै कदीं बी नाश नीं हूणा, कने कोई बी तिन्हांजो मेरेते खोई नीं सकदा।

यूहन्ना 3:3

यीशुये तिसजो जबाब दित्या, हऊँ तुहांजो सच्च बोलां, भई कोई बी परमेशरा रे राज्जा जो देक्खी नीं सकदा, तदुआं तक जे सै दोबारा जन्म नीं लौ।

यूहन्ना 4:36

बढाई करने औल़ा अपणी मजदूरी पां, कने अनन्त जीवना खातर फसल कठेराँ, ताकि फसल बाहणे औल़ा कने बढणे औल़ा ये दोन्नों मिलीने मौज करो।

यूहन्ना 5:24

हऊँ तुहांजो सच्च बोलां, सै जे मेरा बचन सुणीने मेरे भेजणे औल़े पर विश्वास कराँ, सै अनन्त काल रा जीवन पां; कने तिस पर सजा रा हुक्म नीं हुन्दा, पर सै अनन्त काल रिया मौती ते बचीने पैहले तेई नईया जिन्दगिया च दाखल हुई चुक्कीरा।

यूहन्ना 6:58

ये सैई रोटी सै जे स्वर्गा ते उतरी री, ये रोटी तिसा रोटिया साई नीं सै जे तुहांरे पूर्वजें खाद्दि कने मरीगे; सै जे कोई इसा रोटिया खांगा, तिस हमेशा जिऊंदे रैहणा।”

यूहन्ना 8:51

हऊँ तुहांजो सच्च बोल्लां भई जे कोई माहणु मेरियां सखाई रियां गल्लां रा पालन करगा, तिस कदीं नीं मरना।”

प्रेरितां 14:2

पर विश्वास नीं करने औल़यां यहूदियें अन्यजातियां रे मन विश्वासी भाईयां रे बरोधा च भड़काये कने वरोध पैदा करित्या।

रोमियो 4:15

ताहली जे लोक व्यवस्था रा पालन नीं करदे, तां परमेशर गुस्से हुआं, पर तित्थी जे व्यवस्था नीं तित्थी व्यवस्था रा तोड़ना बी निआं।

रोमियो 5:9

काँह्भई हुण तां जे अहें तिसरे खून्ना रिया वजह ते धर्मी बणिगे, तां हुण तिसरे जरिये न्याय रे दिन परमेशरा रिया सजा ते जरूर बची जांणे।

रोमियो 8:1

इस खातर हुण सै जे मसीह यीशु पर विश्वास कराँ ए, तिन्हां पर सजा रा कोई हुक्म निआं।

गलातियां 3:10

पर सै लोक सै जे व्यवस्था पालन करने पर भरोसा रक्खां ये, सै त शरापा रे बशा चे। पवित्रशास्त्रा च लिखिरा : “येढ़ा हरेक माहणु शापित आ सै जे व्यवस्था रिया कताबा च लिखी रिया हर गल्ला रा हमेशा पालन नीं करदा।”

इफिसियां 5:6

कोई तुहौं बेकार गल्ला ने धोखा नीं देओ, काँह्भई इन्हां गल्लां रिया वजह नेई परमेशरा रा गुस्सा आज्ञा नीं मनणे औल़या लोकां पर भड़कां।

1 थिस्सलुनीकियां 1:10

कने स्वर्गा ते तिसरे पुत्रा रे औणे रा इन्तजार करने रे खातर तिसजो जे परमेशरे मूईरयां चते जिऊंदा कित्या था, यनि यीशु सै जे अहांजो औणे औल़े कोपा ते बचां।

1 थिस्सलुनीकियां 5:9

काँह्भई परमेशरे अहौं अपणे गुस्से ते सजा देणे रे खातर अहाजों नीं चुणीरा, पर इस खातर चणीरा भई अहें अहांरे प्रभु यीशु मसीह रे जरिये छुटकारा पाओ।

इब्रानियों 10:29

तां सोच्चा भई इक्की माहणुये जो कितणी भयानक सजा मिलणी, सै जे परमेशरा रे पुत्रा ने नफरत कराँ, कने परमेशरा रिया वाचा रा लहू तिसरे जरिये जे सै पवित्र बणाया गया तिस्सो अपवित्र मन्नां, कने सै तिस आत्मा री बेज्जति कराँ तिसते जे तिने अनुग्रह पाईरा।

इब्रानियों 2:3

तां अहां लोकां जो बी पक्का सजा मिलणी जे अहें बड्डे छुटकारे ते बेफिक्र रैं। प्रभु यीशु मसीह खुद इस छुटकारे रे बारे च पैहले बोल्या था कने तिस्सो सुणने औल़यां चेलयां रे जरिये अहांजो सच्चा साबित हुया।

इब्रानियों 3:18

ताहली जे परमेशरे गुस्सा हुईने ये कस्म खाद्दि, भई सै तिसा जगह च कदीं प्रवेश नीं करगे तित्थी जे हऊँ तिन्हांजो आराम देआं, हकीकत च सै तिन्हांरे बारे च बोल्या राँ था तिन्हें जे हुक्म नीं मन्नया।

इब्रानियों 3:19

इस खातर अहें समझीगे भई सै अविश्वावासा रिया वजह ते नीं प्रवेश करी सक्के।

प्रकाशितवाक्य 21:8

पर डरपोकां, अविश्वासियां, घिनौनयां, हत्यारयां, व्यभिचारियां, जादूगराँ, मूर्तीपूजकां, कने सब्बीं झुट्ठयां रा हिस्सा तिसा नदिया च मिलणा, सै जे अग्गी कने गन्धका ते भखदी रैयांई: ये दुज्जी मौत इ।”