यूहन्ना 3:27 - बिलासपुरी नौआं नियम

²⁷ यूहन्ने जबाब दित्या, ताहलुआं तक जे किसी माहणुये जो स्वर्गा ते नीं दित्या जाओ, ताहलुआं तक सै किछ नीं पाई सकदा।

यूहन्ना 3:27 ပူးပေါင်းရင်းမြစ်များ

मत्ती 21:25

दस्सा यूहन्ने जो बपतिस्मा किति ते मिलया? परमेशरा ते या माहणुये ते?” सै अप्पूँ चियें गल्ल बात करदे हुये गलाणे लगे, “जे अहें बोलां ये ‘परमेशरा ते’ तां इस अहांते पुछणा ‘फेरी तुहें तिस पर विश्वास काँह नीं करदे?’

मत्ती 25:15

तिने इक्की जो सोने रे सिक्कयां ने भरी रियां पांज्ज थैलियां दित्ति, तिन्हां चते इक थैली (पन्द्रह साल्लां रिया मजदूरिया ते जादा), दुज्जे जो दो, कने तिज्जे जो इक; सै हर इक्की जो तिन्हांरी काबलियता रे मुतावक कमाई करने जो देईने खुद परदेशा जो चलिग्या।

मरकुस 13:34

ये तिस माहणुये साई आ, सै जे अपणे घरा ते दूर किति यात्रा पर जाया रा था, जाणे ते पैहले सै अपणे दास्सां ने बोलां भई घरा रा सारा प्रवन्ध तुहांजो करना चाहिन्दा। सै हर इक्की जो दस्सां भई तिस्सो क्या करना चाहिन्दा। फेरी सै द्वारपाला जो अपणिया वापसिया रे खातर त्यार रैहणे जो बोलां।”

यूहन्ना 10:41

मते सारे लोक तिसले आई ने तिसजो बोल्लां थे, “यूहन्ने त कोई बी चमत्कार नीं कित्ते पर यूहन्ने इस माहणुये रे बारे च जो किछ गलाया था, सै सब सच्च निकल़या।”

यूहन्ना 6:65

कने तिने गलाया, “इस खातर मैं तुहांजो गलाया था भई तदुआं तक मेरले कोई नीं आई सकदा तदुआं तक जे पिता परमेशर तिस्सो मेरले औणे री इजाज़त नीं देई दो।”

रोमियो 1:5

मसीह रे जरिये अहांजो अनुग्रह कने प्रेरित हुणे रा गौरब मिलया ताकि तिसरे नौआं रिया वजह ने सारी जातियां रे लोक विश्वास करीने तिसरे हुक्मा जो मन्नो,

रोमियो 12:6

तां फेरी तिसरे अनुग्रह रे मुतावक अहांजो लग-लग बरदान मिलीरे, अहें तिन्हांरा इस्तेमाल करिये, जे किसी जो भविष्यवाणिया रा बरदान मिलीरा, तां सै अपणे विश्वासा रे मुतावक भविष्यवाणी करे;

1 कुरिन्थियों 1:1

हऊँ, पौलुस तुहांजो नमस्कार बोलां, सै जे परमेशरा रिया इच्छा ते यीशु मसीह रा प्रेरित हुणे खातर चुणया गईरा। कने अहांरा साथी विश्वासी सोस्थिनेस बी तुहांजो नमस्कार बोलां।

1 कुरिन्थियों 12:11

पर ये सब प्रभावाशाली काम्म सैई इक आत्मा कराँ, कने तिस किसी जो जे सै चांह तिस्सो बन्डी देआं।

1 कुरिन्थियों 15:10

पर हऊँ जो किछ बी आ, परमेशरा रे अनुग्रह तेआ। कने तिसरा अनुग्रह सै जे माह पर हुआ, सै बेकार नीं हुया पर मैं तिन्हां सब्बीं प्रेरितां ते बधीने मेहणत बी कित्तिरी; तां बी ये मेरिया तरफा ते नीं हुआ; पर परमेशरा रे अनुग्रह ते सै जे मांह पर था।

1 कुरिन्थियों 3:5

तां फेरी पौलुस कुण आ? कने अपुल्लोस कुण आ? अहें सिर्फ परमेशरा रे सेवक ये तिन्हांरे जरिये जे तुहें विश्वास कित्या, तियां जे हर इक्की प्रभये रे जरिये सौंपी रिया जिम्मेवारिया जो निभाया।

1 कुरिन्थियों 4:7

काँह्भई किसी माहणुये तुहौं दुज्यां ते जादा खास नीं बणाया कने सै किछ जे तेरले आ सै तिज्जो परमेशरे दित्तिरा। कने तंजे तिज्जो मिलीरा, तां अपणे बारे च घमण्ड करना तेरे खातर ठीक नींआ।

गलातियां 1:1

हऊँ पौलुस, तुहांजो ये चिट्ठी लिखां कने हऊँ इक प्रेरित आ। हऊँ न माहणुआं रिया तरफा ते कने न माहणुआं रे जरिये चुणीरा, बल्कि यीशु मसीह कने परमेशर पिता रे जरिये चुणया गईरा, तिने जे मसीह यीशुये जो मूईरयां चते जिऊंदा कित्या।

इफिसियां 1:1

हऊँ, पौलुस परमेशरा रिया इच्छा रे जरिये यीशु मसीह रा प्रेरित आ। हऊँ ये चिट्ठी इफिसुस नगरा च रैहणे औल़े पवित्र लोकां कने यीशु मसीह रे सच्चे विश्वासियां जो लिखिराँ।

1 तिमुथियुस 2:7

हऊँ सच्च बोलां, झूट्ठ नीं बोलदा, भई हऊँ इसा इ वजह ने प्रचारक, प्रेरित कने अन्यजातियां खातर विश्वास कने सच्चाईया रा उपदेशक चुणया गईरा।

याकूब 1:17

काँह्भई हर इक खरा कने हर इक उत्तम बरदान समाणा रियां जोतियां रे बनाणे औल़े परमेशर अहांरे पिता रिया तरफा तेई मिलां। परमेशर सदा इक्को जेआ रेआं कने सै छौंवा साई कदीं नीं बदलदा।