यूहन्ना 3:25 - बिलासपुरी नौआं नियम

²⁵ ऊत्थी यूहन्ने रे चेलयां री किसी यहूदी धर्म गुरुये सौगी शुद्धीकरण रे बारे च बैहस बसाई हुईगी।

यूहन्ना 3:25 ပူးပေါင်းရင်းမြစ်များ

मत्ती 3:11

“हऊँ त तुहांजो तुहांरे मन बदलने खातर पाणिये ते बपतिस्मा देआं, पर तिस जे मेरते बाद प्रचार करने औणा, सै माहते जादा सामर्थी आ; कने हऊँ तिसरे मुकावले किछ बी नींआ, हऊँ इक्की सेवका रा सब्बीं ते छोट्टा काम्म तिस खातर करना चाऊँ, तां तिस बी लायक नींआ। तिस तुहांजो पवित्र आत्मा कने अग्गी ते बपतिस्मा देणा।

मरकुस 7:8

काँह्भई तुहें परमेशरा रे हुक्मां रा पालन करना बन्द करितरा कने माहणुआं रियां रितियां रा पालन करां ए।”

यूहन्ना 2:6

यहूदी रितिया रे मुताबक ऊथी पाणी भरने रे पत्थरा रे छे मटके रखीरे थे, सै मटके तियां इ थे जियां जे यहूदी शुद्धी करने खातर कम्मां च इस्तेमाल कराँ थे। हर मटके च कोई अस्सी ते इक सौ बीह लीटर तक पाणी औआं था।

इब्रानियों 6:2

कने बपतिस्मा कने हाथ रखणे रिया शिक्षा रे बारे च, कने मूईरयां चते जिऊंदा हुणे रे बारे च, कने अनन्त न्याय री शिक्षा रे बारे च गल्ल नीं करनी चाहिन्दी।

इब्रानियों 9:10

परमेशरा जो चढ़ाये जाणे औल़ियां चीजां त सिर्फ खाणे-पीणे कने कई तरह रियां शुद्धीकरण रियां विधियां नेई मतलब रखां। ये सिर्फ शारीरिक नियम ये, ये तदुआं तक लागू हुआं ये तदुआं तक जे परमेशर नया नियम नीं बणाई देन्दा।

इब्रानियों 9:23

सै चीजां जे सिर्फ स्वर्गा रियां चीजां री नकल थिआं, जे तिन्हारा शुद्धीकरण इस तरिके रियां विधियां ने हुणे री जरूरत थी, तां खुद स्वर्गा रियां चिज़ां रे खातर इक उत्तम बलिदान्ना री जरूरत इ।

1 पतरस 3:21

ये पाणी बपतिस्मे रा प्रतीक आ सै जे हुण तुहांजो बचां। तिस पाणिये ते जे तुहें बपतिस्मा लेईरा सै पाणी शरीरा रा मैल नीं दूर करदा, पर ये इक निशाण आ भई तुहें साफ अन्तरात्मा ने परमेशरा ते माफी मंगीरी। यीशु मसीह रे मूईरयां चते जिऊंदा हुणे रिया वजह ने तुहांजो माफी मिली सक्कां इ,