यूहन्ना 3:19 - बिलासपुरी नौआं नियम

¹⁹ सजा रे हुक्मा री वजह येई भई जोति इसा दुनिया च आई कने लोकें अन्धेरे जो जोतिया ते जादा प्यारा समझया, काँह्भई तिन्हांरे काम्म बुरे थे।

यूहन्ना 3:19 ပူးပေါင်းရင်းမြစ်များ

लूका 12:47

“कने सै दास जे अपणे मालका री इच्छा जाणदा था कने तिस खातर त्यार नीं रेआ कने मालका रिया इच्छा रे मुतावक नीं चलया तां तिस्सो शख्त सजा दित्ति जाणी।

लूका 16:14

फरीसी, सै जे दौलता ने बड़ा जादा प्यार कराँ थे, ताहली जे तिन्हें यीशुये रियां गल्लां सुणियां तां सै तिसरा मजाक डवाणे लगे।

यूहन्ना 1:4

ये सैई वचन आ तिने जे हरेक प्राणिये जो जीवन दित्या कने सै अहां पर परमेशरा रिया सच्चाईया जो तियां प्रगट कराँ जियां जे ज्योति अन्धकारा रियां चिज़ां जो प्रगट कराँ इ।

यूहन्ना 1:5

लोक नीं चाहन्दे भई तिन्हांरियां बुराईयां सामणे आओ, ठीक तियां इ तियां जे अन्धकार बुराई, पर तियां जे अन्धकार ज्योतिया जो नीं दबाई सकदा तियां इ दुष्ट तिसरिया ज्योतिया ने भरीरे माहणुये जो परमेशरा री सच्चाई सामणे ल्यौणे ते नीं रोकी सकदा।

यूहन्ना 12:31

हुण इस संसारा रे लोकां रा न्याय करने रा वगत आईगरा, कने हुण परमेशरा इस संसारा पर राज करने औल़े शैतान्ना रिया शक्तिया जो खत्म करी देणा;

यूहन्ना 12:43

काँह्भई तिन्हांजो परमेशरा रे आदरा रे बजाय माहणुआं रा आदर करना जादा प्यारा लगां था।

यूहन्ना 12:46

हऊँ संसारा च जोत बणीने आईरा, इस खातर भई सै जे मेरे पर विश्वास करगा सै अन्धेरे च नीं रौ।

यूहन्ना 5:44

तुहें माह पर विश्वास नीं करी सक्कां ये, काँह्भई तुहें त अप्पूँ बाटियें इक दुज्जे ते आदर लेणा पसन्द कराँ ये, कने तुहें इकमात्र परमेशरा ते तारीफ पाणे री कोशिश नीं करदे।

यूहन्ना 7:17

जे कोई परमेशरा रिया मर्जिया पर चलना चाओ, तां सै इस उपदेशा रे बारे च समझी जांगा भई जो उपदेश हऊँ देआं सै परमेशरा रिया तरफा ते आया या हऊँ अपणिया तरफा ते देई कराँ।

यूहन्ना 7:7

संसारा रे लोक तुहांजो बैर नीं करी सकदे, पर सै माहने बैर रक्खां काँह्भई हऊँ तिन्हांरे बरोधा च ये गवाही देआं भई तिन्हांरे काम्म बुरे।

यूहन्ना 8:12

फेरी यीशुये भीं लोकां ने गलाया, “संसारा री जोति हऊँ आ; सै जे मेरे पिच्छे चलगा कदीं अन्धेरे च नीं रैहन्गा, पर तिस सै जोति पाणी सै जे अनन्त जीवन देईं।”

यूहन्ना 9:5

तदुआं तक जे हऊँ संसारा चा, तदुआं तक संसारा री जोत आ।”

रोमियो 1:32

इयां त सै परमेशरा री विधि जाणाँ ये भई येढ़ि जिन्दगी जीणे औल़े मौती रिया सजा रे हकदार ये, तां बी न सिर्फ सै अप्पूँ इस तरिके रे काम्म कराँ ये, पर येढ़े काम्म करने औल़यां ते सै बड़े खुश हुआं ये।

रोमियो 2:8

पर सै लोक जे अपणे स्वार्था रिया वजह ने सच्चाईया जो छड्डिने झूट्ठा पर विश्वास कराँ यें, परमेशरा तिन्हां पर गुस्से हुईने तिन्हारा न्याय करना।

2 थिस्सलुनीकियां 2:12

ताकि जितणयां लोकें सच्चाईया पर विश्वास नीं कित्या, पर पापां ते खुश हुये, सै सब सजा पाओ।

1 पतरस 2:8

कने पवित्रशास्त्र बी बोलां, “येई पत्थर आ तिसते जे लोकां जो ठोकर लगां इ कने चट्टान तिन्हांजो थल्ले सट्टां इ।” तिन्हांजो ठोकर लगां इ, काँह्भई सै परमेशरा रे सन्देशा पर विश्वास नीं करदे, तिन्हांरे खातर ये परमेशरे तैह कित्या था।

2 पतरस 3:3

सब्बीं ते पैहले तुहांजो ये समझी लेणा चाहिन्दा भई आखरी दिनां च मजाक डवाणे औल़यां मजाक डवान्दे हुये औणा, कने तिन्हां अपणी बुरी इच्छां रे मुतावक चलना।