यूहन्ना 3:14 - बिलासपुरी नौआं नियम

¹⁴ कने तियां जे मूसे सुनसान जगह च पितल़ी रे बणीरे सर्पा जो ऊच्चिया ठारी टंगाया, तियां इ मेरा यनि माहणुये रे पुत्रा रा ऊच्चिया ठारी टंगया जाणा बी जरूरी आ;

यूहन्ना 3:14 ပူးပေါင်းရင်းမြစ်များ

मत्ती 26:54

पर जे हऊँ येढ़ा करूँ तां पवित्रशास्त्रा च लिखी रियां ये गल्लां कियां पूरी हुणियां, भई सारा किछ इयां इ हूणा जरूरी आ?”

मत्ती 8:20

यीशुये तिसने गलाया, “गिदड़ियां ले तिन्हांरी कुड कने अम्बरा रे पंछियां रे आलणे हुआं ये; पर माहणुये रे पुत्रा ले सौणे रे खातर बी अपणा घर नींआ।”

लूका 24:20

कने अहें इस बारे च गल्लां करीराँ थे भई अहांरे मुखियायाजकां कने धर्म शास्त्रियें तिन्हाजो मौता रा हुक्म दुआई ने क्रूसा पर लटकाईत्या।

यूहन्ना 18:32

ये इस खातर हुआ भई यीशुये री ये बोल्ली रियां गल्लां सच्च साबित हुईजो तिन्हांरे जरिये जे तिने संकेत दित्या था भई तिसरी मौत किस तरीके री हुणी।

यूहन्ना 6:51

जीवना री रोटी सै जे स्वर्गा ते उतरी हऊँ आ। जे कोई इसा रोटिया चते खाओ, तां हमेशा जिऊंदा रैहन्गा; कने सै रोटी जे मांह संसारा रे लोकां रे जीवना खातर देणी, सै मेरा शरीर आ।”

यूहन्ना 8:28

फेरी यीशुये गलाया, “ताहली जे तुहें लोक माहणुये रे पुत्रा जो यनि मिन्जो ऊच्चिया ठारी चढ़ांगे, तां जाणगे भई हऊँ सैई आ; कने हऊँ अपणिया तरफा ते किछ नीं करदा, पर तियां जे मेरे पिता परमेशरे मिन्जो सखाईरा, हऊँ तियां इ ये गल्लां बोलां।

प्रेरितां 2:23

तिस यीशुये जो, सै जे परमेशरा री बणाई रिया योजना कने पैहले रे ज्ञाना रे मुतावक पकड़वाया गया, तुहें अर्धमियां रे हत्था ते तिस्सो क्रूसा पर चढ़वाई ने मारी दित्या।