यूहन्ना 21:7 - बिलासपुरी नौआं नियम

⁷ फेरी तिने चेले तिसने जे यीशु प्यार करां था पतरसा ने बोल्या, “येत प्रभु आ!” ताहली जे शमौन्ने ये सुणया भई सै प्रभु आ, तां तिने अपणे सै कपड़े पैहनी ले सै जे तिने काम्म करदे वगत खोल्ही तरे थे कने झीला च छैल़ मारीती, काँह्भई तिस वगत तिने अधे कपड़े पैहनीरे थे।

यूहन्ना 21:7 ပူးပေါင်းရင်းမြစ်များ

मरकुस 11:3

जे कोई तुहांते पुच्छो, ‘ये क्या करया रायें?’ तां बोल्यों, ‘यीशु अहांरे प्रभुये जो इसरी जरूरत इ,’ कने तिस छोड़े इ इस्सो येत्थी भेजी देणा।”

लूका 12:35

“परमेशरा री सेवा खातर सदा त्यार रौओ कने चौकन्ने रौओ।

लूका 2:11

भई आज्ज राजा दाऊद रे नगर बैहतलम च तुहांरे खातर पापां ते छुटकारा देणे औल़े मुक्तीदाते रा जन्‍म हुया कने सैई मसीह प्रभु आ।

लूका 7:47

इस खातर तू समझी लै भई इसारे पाप, सै जे बौहत थे, माफ हुईगे, काँह्भई इसे मता प्यार कित्या। पर तिस माहणुये रे जे थोड़े पाप माफ हुए, सै थोड़ा प्यार दस्सां।”

यूहन्ना 13:23

तित्थी इक चेला यीशुये रे नेड़े इ बैठिरा था, सै जे यीशुये रा प्यारा था, कने यीशुये रिया छातिया पर सिर रखीने स्वां था।

यूहन्ना 19:26

तंजे यीशुये अपणी माता कने अपणे प्यारे चेले जो तित्थी खढ़िरे देख्या, तां अपणिया माता ने बोल्या, “माता, ये तेरा पुत्र आ।”

यूहन्ना 20:2

फेरी सै जनानां दौड़ीने शमौन पतरस कने दुज्जे चेले लौ गई, सै जे यीशुये रा प्यारा था, तिन्हांले आईने गलाया, सै प्रभुये रिया लाशा जो कब्रा ते निकाल़ीने लईगे; कने अहें नीं जाणदियां, भई तिस्सो किति रखी दित्या।

यूहन्ना 20:20

ये बोल्लीने यीशुये अपणे हाथ कने बखिया रा जख्म तिन्हांजो दस्या। चेलयां तंजे प्रभुये जो देख्या, तां सै बौहत खुश हुईगे।

यूहन्ना 20:28

थोमे जबाब दित्या, “मेरे प्रभु, हे मेरे परमेशरा!”

यूहन्ना 21:20

पतरस पिच्छे मुड़या कने देख्या भई, सै प्यारा चेला, तिस्सो जे यीशु प्यार कराँ था, तिन्हांरे पिछे आये राँये सैई था तिने जे रोटी तोड़दे बगत, यीशुये खौ झुकीने पुच्छया था भई, “प्रभु! सै कुण आ तिस जे तिज्जो धोखे ने पकड़वाणा।”

यूहन्ना 21:24

ये सैई चेला सै जे इन्हां सारियां गल्लां रा गवाह कने तिने जे ये गल्लां लिखियां; अहें जाणाँ ये भई तिसरी गवाही सच्ची।

यूहन्ना 21:8

पर दुज्जे चेले मच्छियां ने भरीरा जाल़ खींजदे-खींजदे किशतिया पर आये। सै कनारे ते कोई जादा दूर नीं थे, सै सिर्फ तकरीवन सौ मीटर दूर थे।

प्रेरितां 10:36

सै जे वचन तिने इस्राएलियां ला भेज्या, ताहली जे तिने यीशु मसीह रे जरिये सै जे सब्बीं रा प्रभु आ शान्तिया री खुशखबरी सुणाई,

प्रेरितां 2:36

“इस खातर हुण इस्राएल रे सारे माहणु पक्के तरिके ने जाणी लो भई परमेशरे तिस इ यीशुये जो तिस्सो जे तुहें क्रूसा पर चढ़ाया, प्रभु बी ठहराया कने मसीह बी।”

1 कुरिन्थियों 15:47

पैहला माहणु आदम धरतिया रा यनि मिट्टिया रा था; कने दुज्जा माहणु यनि मसीह स्वर्गा ते आ।

2 कुरिन्थियों 5:14

काँह्भई मसीह रा प्यार अहांजो मजबूर करी देआं; काँह्भई अहें ये समझां ये भई मसीह सारयां लोकां रे खातर मरया इसी खातर अहें सारे मरीगे।

याकूब 2:1

मेरे साथी विश्वासियो, तुहें अहांरे महिमावान प्रभु यीशु मसीह रे चेले हुणे रिया वजह ने तुहां च कोई भेद-भाव नीं ओ।