यूहन्ना 21:22 - बिलासपुरी नौआं नियम

²² यीशुये तिस्सो गलाया, जे हऊँ चाऊँ भई मेरे औणे तक सै जिऊंदा रौ, तां इसते तिज्जो क्या? पर तू मेरा चेला बण।

यूहन्ना 21:22 ပူးပေါင်းရင်းမြစ်များ

मत्ती 16:24

फेरी यीशुये अपणे चेलयां ने बोल्या, “सै जे कोई मेरा चेला बणना चाओ, सै खुद अपणा इन्कार करो कने अपणा क्रूस चक्कीने मेरे पिछे आई जाओ।

मत्ती 24:27

“हऊँ ये बोलीराँ काँह्भई तियां जे बिज्जल़ पूरबा ते शुरु हुईने पच्छमा रे अम्बरा तक चमकां इ, माहणुये रे पुत्रा रा औणा बी तियां इ हूणा।

मत्ती 24:3

ताहली जे यीशु जैतून पहाड़ा पर बैठिरा था, तां चेलयां चुपचाप तिसले आईने गलाया, “अहांजो ये दस्स भई ये गल्लां कदीं हूणी? ताहली जे तू वापस औणा कने इस संसारा रा खात्मा हुणे रा बगत औंणा तां तिसरे क्या संकेत हुणे?”

मत्ती 24:44

इस खातर तुहें बी त्यार रौआ, काँह्भई तिसा घड़िया रे बारे च तुहें सोच्चया बी नीं हुंगा, तिसा घड़िया माहणुये रे पुत्रा आई जाणा।

मत्ती 25:31

“ताहली जे माहणुये रे पुत्रा यनि मांह वापस अपणिया महिमा च औणा कने सारे स्वर्गदूत मेरे सौगी औणे, तां मांह सब्बी लोकां पर राज करने खातर अपणे राजकीय संघासणा पर बैठणा।

मत्ती 8:22

यीशुये तिसने बोल्या, “मेरा चेला बणने खातर मेरे पिछे औ, सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे।”

मरकुस 9:1

फेरी यीशुये अपणयां चेलेयां जो गलाया, “हऊँ तुहांजो सच बोलां भई तुहां चते किछ लोक सै जे येत्थी खढ़िरे, तदुआं तक नीं मरना, तदुआं तक जे परमेशरा जो सामर्था सौगी राज करदे हुए नीं देक्खी लो।”

यूहन्ना 21:19

यीशुये ये दसणे खातर गलाया, भई पतरसा कियां मरना कने तिसरे मरने ते परमेशरा री महिमा कियां हूणी। येढ़ा गलाई ने यीशुये तिस्सो बोल्या, औ मेरा चेला बण।

यूहन्ना 21:21

ताहली जे पतरसे तिस्सो देख्या तां तिने यीशुये ते पुच्छया “प्रभु, इसरा क्या हुंगा?”

1 कुरिन्थियों 11:26

काँह्भई ताहली जे कदीं तुहें ये रोटी खांये कने इस कटोरे चते पींये, तां तुहें प्रभुये रे औणे तक तिसरिया मौती रा प्रचार कराँ ये।

1 कुरिन्थियों 4:5

इस खातर तदुआं तकौ जे प्रभु नीं आओ, बगता ते पैहले किसी गल्लां रा न्याय नीं करा, सैई अन्धेरे रियां छिपि रियां गल्लां जो लोई च दसगा, कने माहणुये रे दिला रियां गल्लां जो प्रगट करगा, तां तिस वगत हरेक माहणुये परमेशरा रिया तरफा ते अपणी प्रशंसा पाणी।

1 थिस्सलुनीकियां 2:19

भला अहांरी आशा या अहांरी मौज या अहां रिया बडयाईया रा मुकुट कुण आ? तिस पर जे अहांजो इतणा गर्व आ; क्या अहांरे प्रभु यीशुये रे सामणे तिसरे औणे रे वगत तुहां इ नीं हूणा?

याकूब 5:7

मेरे प्यारे साथी विश्वासियो, प्रभु यीशुये रे औणे तक धीरज रखा। देक्खा करसाण धरतिया री कीमती फसला खातर तदुआं तक तसल्ली रक्खीने इन्तजार कराँ तदुआं तक जे सै शुरु री कने आखरी बरखा नीं देक्खी लेन्दा।

याकूब 5:8

इस खातर भई प्रभु यीशुये रा औणा नजदीक आ, तुहें बी तसल्ली रक्खीने अपणे मना च मजबूत रौआ।

प्रकाशितवाक्य 1:7

देक्खा, मसीह बद्दल़ां सौगी आया रां, कने सारयां तिस्सो देखणा, येत्थी तक भई सै लोक बी तिन्हेंजे तिस्सो भाले ने बिन्हया था; तिन्हां बी तिसखा देखणा, कने संसारा रे सारयां लोकां तिसरिया वजह ते बिलकी-बिलकी ने रोणा। हाँ, ये हूणा। आमीन।

प्रकाशितवाक्य 2:25

पर हाँ, सै जे तुहांले आ, तिस्सो मेरे औणे तक मजबूतिया ने थम्मी रखा।

प्रकाशितवाक्य 22:20

सै जे इन्हां गल्लां री गवाही देआं, सै ये बोलां, “हाँ, हऊँ जल्दी औणे औल़ा।” आमीन। हे प्रभु यीशु औ!

प्रकाशितवाक्य 22:7

यीशुये बोल्या, “कने देख, हऊँ जल्दी औणे औल़ा! आशीषित सै आ, सै जे इसा कताबा रियां भविष्यवाणिया रियां गल्लां जो मन्नां।”

प्रकाशितवाक्य 3:11

हऊँ जल्दी आया रां; जो किछ तेरले आ तिस्सो थम्मी रख, भई कोई तेरा मुकट तेरते खोई नीं लओ।