यूहन्ना 21:19 - बिलासपुरी नौआं नियम

¹⁹ यीशुये ये दसणे खातर गलाया, भई पतरसा कियां मरना कने तिसरे मरने ते परमेशरा री महिमा कियां हूणी। येढ़ा गलाई ने यीशुये तिस्सो बोल्या, औ मेरा चेला बण।

यूहन्ना 21:19 ပူးပေါင်းရင်းမြစ်များ

मत्ती 10:38

जे कोई मेरा चेला होणे रे नाते दुख सैहणे रे खातर कने मरने रे खातर बी त्यार नींये, तां सै मेरा चेला बणने रे लायक नींआ।

मत्ती 19:28

यीशुये तिन्हांने गलाया, हऊँ तुहां लोकां ने सच्च बोलां भई नौंये जुगा च ताहली जे माहणुये रा पुत्र अपणे प्रतापी संघासणा पर बिराजमान हूणा, तां तुहां बी सै जे मेरे पिच्छे आईरे, बारा संघासणां पर बैठीने इस्राएल रे बारा गोत्राँ रा न्याय करना।

मत्ती 8:22

यीशुये तिसने बोल्या, “मेरा चेला बणने खातर मेरे पिछे औ, सै लोक जे आत्मिकता च मूईरयां साई ये तिन्हौं अपणयां लोकां रे मरने रा इन्तजार करने दे।”

यूहन्ना 12:26

जे कोई मेरी सेवा करना चाओ, तां सै मेरे चेले बणो; कने तित्थी जे हऊँ आ, तित्थी मेरा सेवक बी हूणा। जे कोई मेरी सेवा करो, तां पिता परमेशरा तिसरा आदर करना।

यूहन्ना 12:33

येढ़ा बोलीने तिने ये संकेत दित्या भई तिसरी मौत किस तरिके री हूणी।

यूहन्ना 18:32

ये इस खातर हुआ भई यीशुये री ये बोल्ली रियां गल्लां सच्च साबित हुईजो तिन्हांरे जरिये जे तिने संकेत दित्या था भई तिसरी मौत किस तरीके री हुणी।

यूहन्ना 21:18

हऊँ तेरने सच्च बोलां, भई ताहली जे तू जवान था, तां तू खुद अपणे लक्का जो बन्हीने तित्थी जे तेरा दिल कराँ तित्थी जो चली जां था। पर ताहली जे तू बुड्डे हुई जाणा, तां तू अपणे हात्थ फैलाणे कने किसी होरी तिज्जो बन्ही लेणा कने तिज्जो उत्थी लेई जाणा तित्थी जे तू जाणा नीं चाहन्गा।

यूहन्ना 21:22

यीशुये तिस्सो गलाया, जे हऊँ चाऊँ भई मेरे औणे तक सै जिऊंदा रौ, तां इसते तिज्जो क्या? पर तू मेरा चेला बण।

फिलिप्पियां 1:20

मेरी ये बड्डी इच्छा कने आशा इ भई मांह किसी बी गल्ला च शर्मिन्दा नीं हूणा पर हुण पूरे हौंसले ने तियां जे मेरे सारयां कम्मां कने गल्लां ते मसीह री महिमा हमेशा हुन्दी रैई, तियां इ अग्गे बी हुन्दी रैहणी; चाये हऊँ जीऊं या मरी जाऊँ।

2 पतरस 1:14

काँह्भई हऊँ ये जाणाँ भई इसा दुनिया ते मेरे जाणे रा वगत नजदीक आईग्या, तियां जे अहांरे प्रभु यीशु मसीहे मिन्जो साफ तौर पर बोलीरा।